Бенька

Бенька, сапр. Святла́на Ва́цлаваўна Бень (нар. 20 чэрвеня 1975, Віцебск, Беларуская ССР) — беларуская музыка, спявачка, тэатральная рэжысёрка, акцёрка, аўтарка некалькіх зборнікаў паэзіі. Называе сябе найперш паэтам^[1]. Шматгадовы лідар гурта «Серебряная свадьба». З 2022 года жыве ў Берліне^[2].

Святлана Бень
руск.: Светлана Вацлавовна Залесская-Бень альтэрн.: Сьвятлана Вацлаваўна Залеская-Бень
Канцэрт у клубе «Гоголь», 2009 год
Асноўная інфармацыя
Імя пры нараджэнні	руск.: Светлана Вацлавовна Бень альтэрн.: Сьвятлана Вацлаваўна Бень
Поўнае імя	Святлана Вацлаваўна Бень
Дата нараджэння	20 чэрвеня 1975(1975-06-20) (50 гадоў)
Месца нараджэння	Віцебск
Краіна	Беларусь
Альма-матар	Беларуская дзяржаўная акадэмія мастацтваў (2006)
Музычная дзейнасць
Прафесіі	Музыка, кампазітар, паэт, рэжысёр
Гады актыўнасці	з 2005
Інструменты	Гармонік, канцэрціна, укулеле, казу, катрынка
Жанры	Джаз, французскі шансон
Псеўданімы	Бенька
Калектывы	Серебряная свадьба

Біяграфія

Нарадзілася ў сям’і медыцынскіх работнікаў^[3].

Пастаноўшчыца некалькіх спектакляў у віцебскім лялечным тэатры «Лялька». Працавала рэжысёрам у Беларускім дзяржаўны тэатры лялек («Пэпі Доўгаяпанчоха», «Жудасны спадар Ау», «Хатні вожык», Vermes («Чарвякі») і іншыя)^[4]. Стваральніца лялечнага тэатра «Картонка».

З 2005 — лідар фрык-кабарэ-бэнда «Серебряная свадьба», з якім дала мноства канцэртаў у розных краінах свету і запісала некалькі альбомаў. Альбом «Сердечная мускулатура» (2011) атрымаў найвышэйшыя адзнакі экспертаў Experty.by.^[5] З 2016 года, калі гурт «Серебряная свадьба» сышоў у «бестэрміновы адпачынак»^[6], шмат часу аддае тэатральным праектам, такім як «Из жизни насекомых»^[7] (спектакль паводле твораў Мікалая Алейнікава). Выступала ў складзе «Мікракабарэ» з Арцёмам Залескім^[8]. У 2017 годзе музыкі ўзялі ўдзел у праекце «(Не)расстраляная паэзія», запісаўшы кампазіцыю на вершы Ізі Харыка^[1][9].

У 2020 годзе Бенька не раз выступала на нефармальных «дваровых» канцэртах у розных раёнах Мінска — з гуртом «Разбітае сэрца пацана» і з іншымі музыкамі^[10]. З лета 2021 года супрацоўнічае з берлінскай артысткай Галяй Чыкіс^[11], з якой у 2022 годзе запісала альбом «Прыём!»^[2]. Пазней пачала выступаць таксама з Сяргеем Навіцкім у складзе дуэта «WTBSK» (першы сольны канцэрт адбыўся ў Варшаве ў лістападзе 2024 года)^[12].

Зноскі

1. https://www.youtube.com/watch?v=Zi0lxEMTHSI
2. Votvot. Инди-звезда из Беларуси Света Бень | Интервью | ПЕРЕЖИВУ (нявызн.) (25 верасня 2024). Праверана 7 ліпеня 2025.
3. Светлана Бень («Серебряная свадьба»): «Я для дочки слишком старомодная» (нявызн.). Логуновская Евгения, Ultra-music.com (1 лютага 2012). Праверана 30 мая 2017.
4. Будкін, Сяргей. 25 жанчын, без якіх не было б беларускай музыкі (+ аўдыё)  (бел.). Будзьма беларусамі! (2 мая 2013). Архівавана з першакрыніцы 4 красавіка 2020. Праверана 4 красавіка 2020.
5. Светлана Бень ("Серебряная Свадьба"): "У меня был восхитительный период увлечения "Гражданской Обороной"" (нявызн.)(недаступная спасылка). Tut.by (27 красавіка 2011). Архівавана з першакрыніцы 11 мая 2011. Праверана 30 мая 2017.
6. https://news.tut.by/culture/528925.html Архівавана 3 жніўня 2020.
7. http://www.teart.by/ru/about/archive/iz-zhizni-nasekomyh.html
8. http://newsru.co.il/rest/07may2017/wedding.html
9. https://www.youtube.com/watch?v=gnoiDSQ7JD8
10. https://belisrael.info/?p=25925
11. https://sunwoofer.timepad.ru/event/1841147/
12. WTBSK дасць першы сольнік у Варшаве  (бел.). 34mag.net (2 кастрычніка 2024). Праверана 7 ліпеня 2025.