Бернхард Шлінк

Бернхард Шлінк (ням.: Bernhard Schlink; нар. 6 ліпеня 1944, Білефельд) — нямецкі юрыст і пісьменнік.

Бернхард Шлінк
ням.: Bernhard Schlink
Род дзейнасці	юрыст, суддзя, раманіст, сцэнарыст, выкладчык універсітэта, паэт-адвакат
Дата нараджэння	6 ліпеня 1944(1944-07-06)[1][2][…] (80 гадоў)
Месца нараджэння	Білефельд, адміністрацыйная акруга Дэтмальд[d], Паўночны Рэйн-Вестфалія, Германія[3]
Грамадзянства	Германія[3]
Бацька	Edmund Schlink[d][3]
Месца працы	Франкфурцкі ўніверсітэт імя Ёгана Вольфганга Гётэ Бонскі ўніверсітэт HU Berlin Benjamin N. Cardozo School of Law[d]
Альма-матар	Гайдэльбергскі ўніверсітэт Свабодны ўніверсітэт Берліна Kurfürst-Friedrich-Gymnasium (Heidelberg)[d] Універсітэт Фрайбурга
Партыя	Сацыял-дэмакратычная партыя Германіі[4]
Член у	ПЭН-цэнтр Германіі[d]
Узнагароды і прэміі	Hans Fallada Prize[d] (1998) Friedrich Glauser Award[d] (1989) German Crime Fiction Award[d] (1993) Evangelischer Buchpreis[d] (2000) Pak Kyong-ni Prize[d] (2014) Honorary Award of the Heinrich Heine Society[d] (2000)
Аўтограф
Сайт	schlink.rewi.hu-berlin.de (ням.)
Медыяфайлы на Вікісховішчы

Біяграфія

Нарадзіўся ў сям’і прафесара тэалогіі Эдмунда Шлінка, які пераехаў у Гейдэльберг пасля вайны. Дзяцінства і юнацтва Бернхарда прайшлі ў Гейдэльбергу. Скончыўшы класічную гімназію, ён паступіў ва ўніверсітэт на юрыдычны факультэт, пазней пераехаў у берлінскі Свабодны ўніверсітэт. Абараніўшы доктарскую дысертацыю, у 1982 годзе ён атрымлівае пасаду прафесара Бонскага ўніверсітэта. Займаўся канстытуцыйным правам.

Прыкладна ў канцы васьмідзесятых гадоў пачынаюцца яго першыя літаратурныя спробы. Спачатку разам са сваім сябрам, а потым адзін ён стварае трылогію пра прыватнага дэтэктыва Гебхарда Зэльбэ.

Ва ўсіх трох кнігах яго галоўны герой сутыкаецца з падзеямі, якія так ці інакш злучаны з непераадоленым мінулым, вызначальным і цяперашнія злачынствы. «Права — віна — будучыня» — пад такім загалоўкам у 1988 годзе Шлінк апублікаваў сваё першае публіцыстычнае эсэ, дзе закранаюцца тэмы, якія пазней сталі ключавымі для рамана «Чытальнік». Перш за ўсё — тэма ўнутранага канфлікту «другога пакалення», які раздзіраецца паміж жаданнем зразумець вытокі злачынстваў, учыненых пакаленнем бацькоў, і імкненнем асудзіць гэтыя злачынствы.

Бернхард Шлінк стаў першым заходнегерманскім прафесарам права, які ўжо ў 1990 годзе пачаў выкладаць ва ўсходнеберлінскім універсітэце імя Гумбальта, прафесарам якога ён з’яўляецца і дагэтуль.