Богаяўленская царква (Сіманічы)

Богаяўленская царква — праваслаўная царква ў Сіманічах.

Праваслаўны храм
Богаяўленская царква
царква Святой Параскевы
51°52′52,70″ пн. ш. 28°05′00,60″ у. д.HGЯO
Краіна	Беларусь
Аграгарадок	Сіманічы
Канфесія	Беларуская праваслаўная царква
Епархія	Тураўская
Першае згадванне	1754

Размешчана па адрасу Гомельская вобл., в. Сіманічы, вул. Школьная 2.

Гісторыя

Першае ўспамінанне аб царкве Святой Параскевы ў Сіманічах адносіцца да 1740 года, калі віленскі біскуп Зяньковіч ахвяраваў царкве зямельны надзел. У 1806 царква згарэла. На месцы яе пабудавалі новую, якую асвяцілі толькі ў 1837 годзе, але як праваслаўную. Царква мела форму падоўжанага прамавугольніка з трыма глухімі купаламі. У 1840 годзе перабудавана званіца, а ў 1870 адрамантавалі разам з царквой.

Паводле «Апісання цэркваў і прыходаў Мінскай епархіі» 1879 года царква была драўляная, не абагравалася. Іканастас складаўся з 17 абразоў. Метрычныя кнігі захоўваліся з 1806 года. У званіцы мелася 2 званы вагой каля 40 і 32 кг кожны.

У 1916 у вёсцы акрамя праваслаўных жылі 250 габрэяў, 250 каталікоў і 58 баптыстаў.

У 1943 царква разам з вёскай была спалена. У 1991 прыход адноўлены, пабудавана мураваная царква.

Зноскі