Боркавіцкі дзяржаўны прафесійны ліцэй сельскагаспадарчай вытворчасці

Боркавіцкі дзяржаўны прафесійны ліцэй сельскагаспадарчай вытворчасці — установа прафесійнага навучання ў аграгарадку Боркавічы (Верхнядзвінскі раён).

Боркавіцкі дзяржаўны прафесійны ліцэй сельскагаспадарчай вытворчасці
Заснавана	1944
Тып	Установа адукацыі
Вучняў	Віцебская вобласць, Верхнядзвінскі раён, аг. Боркавічы, вуліца Лесазаводская-1, д. 39.
Краіна	Беларусь
Размяшчэнне	Боркавічы

Гісторыя

Гісторыя ліцэя пачынаецца ў 1944 годзе, калі ў мястэчку Лынтупы была створана сельскагаспадарчая школа, якая потым была пераведзена ў в. Боркавічы. 11 жніўня 1949 года загадам Міністэрства сельскай гаспадаркі БССР тут была створана Боркавіцкая школа механізацыі сельскай гаспадаркі.

Чатыры гады школа была вузкапрофільнай навучальнай установай, а з 1953 года перайменавана ў Боркавіцкае СПТВ-33 механізацыі сельскай гаспадаркі.

У 1980 годзе вучылішча пераведзена на сярэднюю адукацыю. У 1984 годзе яно перайменавана ў Боркавіцкае СПТВ-170. У 2001 годзе навучальная ўстанова перайменавана ў Боркавіцкае ДПТВ-170, а праз чатыры гады — ва ўстанову адукацыі «Боркавіцкі дзяржаўны прафесійны ліцэй сельскагаспадарчай вытворчасці».

Навучэнцы пасля заканчэння ліцэя будуць працаваць слесарамі па рамонце сельскагаспадарчых машын, трактарыстамі-машыністамі, электрагазазваршчыкамі і вадзіцелямі аўтамабіля^[1].

Дырэктары

• Іван Іванавіч Пінкуль (1944—1956)
• Андрэй Емяльянавіч Сямураў (1956—1965)
• Міхаіл Іванавіч Лёгенькі (1966—1973)
• Анатоль Якаўлевіч Галыня (1973—1977)

Былыя назвы

• ДПТВ-170
• СПТВ-170
• СПТВ-33
• Школа механізацыі сельскай гаспадаркі
• Сельскагаспадарчая школа

Зноскі

1. Боркавіцкі прафесійна-тэхнічны ліцэй сельскагаспадарчай вытворчасці