Боркавічы

У паняцця ёсць і іншыя значэнні, гл. Боркавічы (значэнні).

Бо́ркавічы^[2] (трансліт.: Borkavičy, руск.: Борковичи) — аграгарадок у Верхнядзвінскім раёне Віцебскай вобласці, на рацэ Дрыса. Адміністрацыйны цэнтр Боркавіцкага сельсавета. За 38 км на паўднёвы ўсход ад Верхнядзвінска, 143 кіламетры ад Віцебска. Чыгуначная станцыя на лініі Полацк—Даўгаўпілс.

Аграгарадок Боркавічы Краіна Беларусь Вобласць Віцебская Раён Верхнядзвінскі Сельсавет Боркавіцкі Каардынаты 55°40′23″ пн. ш. 28°19′41″ у. д.HGЯO Насельніцтва ▼714 чал. (2019)[1] Часавы пояс UTC+3 Тэлефонны код +375 2151 Аўтамабільны код 2 Боркавічы Боркавічы

Боркавічы на Вікісховішчы

Назва

Назва населенага пункта паходзіць ад слова «бор», бо Боркавічы з трох бакоў былі акружаны борам і балотамі.

Гісторыя

Першае згадванне аб Боркавічах датавана 1536 годам, таксама ў руска-польскую вайну 1654—1667 гг. у 15 км ад в. Боркавічы польскае войска разграміла лагер рускіх войскаў. У 1812 годзе праз населены пункт Боркавічы праходзілі французы. З будаўніцтвам у 1866 годзе Арлоўска-Рыжскай чыгункі прагрэс закрануў і гэтай вёскі — была пабудавана чыгуначная станцыя, двухпавярховы вакзал з залай чакання і буфетам, які ўтрымоўвала спадарыня Марціноўская. З сярэдзіны XIX стагоддзя ў Боркавічах дзейнічала ганчарная майстэрня, таксама была ўзведзена царква.

Насельніцтва

• 1159, 589 двароў (2001)
• 936 чалавек (2007)

Эканоміка

Аграпрамысловы сфера КУПСГП «Боркавічы» спецыялізуецца на малочна-мясной жывёлагадоўлі, вытворчасці збожжа, бульбы, лёну і рапсу. Агульная плошча гаспадаркі складае 3769 га, плошча сельскагаспадарчых угоддзяў — 2816 га, у тым ліку 2177 га — ворныя землі, 609 га — лугавыя землі. Прадуктыўнасць сельгасугоддзяў — 27,8, раллі — 29,9. У 2010 годзе намалочана 1241 тона збожжа, выраблена 102 тоны ільновалакна, 55 тон бульбы, 138 тон рапсу. Ураджайнасць збожжавых культур складае 11,7 ц/га (у свірнавай вазе), ільновалакна — 5,1, бульбы — 37, рапсу — 6,1 ц/га.

Славутасці

• Каталіцкая капліца парафіі Святой Тройцы (2000)
• Правастаўная царква Казанскай іконы Божай Маці (1992)
• Брацкая магіла (1941—1944) —  Гісторыка-культурная каштоўнасць Беларусі, шыфр 213Д000229шыфр 213Д000229
• Боркавіцкі дзяржаўны прафесійны ліцэй сельскагаспадарчай вытворчасці

Вядомыя асобы

• Уладзімір Іосіфавіч Навіцкі (нар. 1939) — доктар гістарычных навук,
• Аляксандр Мікалаевіч Пятроў (нар. 1951) — беларускі мастак.

Зноскі

1. http://pop-stat.mashke.org/belarus-census-2019/viciebskaja.htm
2. Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).