Бразілія (горад)

Бразілія (парт.: Brasília) — горад, сталіца Бразіліі (з 21 красавіка 1960), на беразе штучнага вадасховішча. Уключаны ў спіс Сусветнай спадчыны ЮНЕСКА.

Горад
Бразілія
парт.: Brasília
Сцяг Герб
15°46′49″ пд. ш. 47°55′43″ з. д.HGЯO
Краіна	Бразілія
Штат	Федэральная акруга Бразілія
Гісторыя і геаграфія
Заснаваны	21 красавіка 1960
Плошча	5 802 км²
Вышыня цэнтра	317 м
Тып клімату	субтрапічны гумідны
Водныя аб’екты	Параноа[d] і Параноа[d]
Часавы пояс	UTC-3, летам UTC-2
Насельніцтва
Насельніцтва	2 455 903 чалавек (2007)
Лічбавыя ідэнтыфікатары
Тэлефонны код	61
Паштовы індэкс	70000-000
brasilia.df.gov.br
Паказаць/схаваць карты
Бразілія
Медыяфайлы на Вікісховішчы

Насельніцтва (з прыгарадамі) каля 2,5 млн чалавек.

На тэрыторыі Бразіліі размешчаны міжнародны аэрапорт імя Прэзідэнта Ж. Кубічака^[pt], прадпрыемствы лёгкай і харчовай прамысловасці, Нацыянальны ўніверсітэт^[pt], Нацыянальны тэатр Клаўдзіа Сантора.

Гісторыя

У 1955 годзе кандыдат на прэзідэнцкі пост Жуселіну Кубічак^[pt] пакляўся, што, калі яго абяруць у прэзідэнты, новая сталіца стане рэальнасцю яшчэ да таго, як міне яго пяцігадовы прэзідэнцкі тэрмін. У красавіку 1956 года Кубічак быў абраны прэзідэнтам. Праз тры гады 60-тысячнае войска будаўнікоў узвяло добра ўладкаваны горад.

Насельніцтва

Уласна ў Бразілія ўвесь час пражываюць каля 200 000 чалавек, некаторыя жылыя кварталы дагэтуль не былі дабудаваны. Насельніцтва горада з прыгарадамі перавышае 2,5 млн жыхароў. Пры гэтым сталіца была першапачаткова спраектавана для размяшчэння каля 500 000 жыхароў. У выніку, цяпер горад моцна перагружаны аўтамабільным транспартам.

Транспарт

Грамадскі транспарт прадстаўлены дзвюма лініямі метрапалітэна^[1], якія праходзяць з цэнтра праз паўднёвае крыло^[2] ў гарады-спадарожнікі, а таксама шматлікімі аўтобуснымі маршрутамі, якія, галоўным чынам, сыходзяцца на цэнтральнай станцыі Радавіярыя.

У горадзе знаходзіцца міжнародны аэрапорт імя Прэзідэнта Ж. Кубічака^[pt].

Адукацыя

Горад Бразілія славіцца найлепшымі паказчыкамі па ўзроўні адукацыі (93 % пісьменных жыхароў паводле індэкса чалавечага развіцця). У горадзе размешчаны шматлікія школы і некалькі ўніверсітэтаў, найбуйнейшым з якіх з’яўляецца недзяржаўны Нацыянальны ўніверсітэт Бразіліі (UNB).