Браміды

Браміды — хімічныя злучэнні, солі бромавадароднай кіслаты HBr.

Брамід медзі (I)

Знаходжанне ў прыродзе

Браміды прысутнічаюць у марской вадзе, у канцэнтрацыі каля 65 мг/л, што складае каля 0,2 % ад масы марской солі. Морапрадукты, як правіла, утрымліваюць павышаную канцэнтрацыю брамідаў. Асабліва шмат брамідаў марскіх водарасцях, некаторыя з якіх могуць быць крыніцай прамысловага атрымання.

Таксама сустракаюцца мінералы галагенідаў срэбра - брамаргірыт AgBr, ёдабраміт Ag(Br, Cl, I), эмбаліт Ag(Cl, Br).

Выкарыстанне

У медыцыне

Гл. таксама: Гісторыя супрацьсутаргавых сродкаў

У медыцыне браміды натрыю і калію ўжываюць як седатыўныя сродкі.

У навуцы і тэхніцы

• Брамід срэбра AgBr выкарыстоўваецца ў фатаграфіі як святлоадчувальнае рэчыва.
• Растворы брамідаў выкарыстоўваюцца ў нафтаздабычы.
• Растворы брамідаў цяжкіх металаў выкарыстоўваюцца як «цяжкія вадкасці» пры ўзбагачэнні карысных выкапняў метадам флатацыі.
• Раствор брому ў вадзе (бромная вада) выкарыстоўваецца ў арганічнай хіміі для вызначэння ненасычаных вуглевадародаў.