Браніслаў Сільвестравіч Смольскі

Браніслаў Сільвестравіч Смо́льскі^[3] (19 сакавіка 1909, Мінск — 30 сакавіка 2005^[4]) — беларускі музыказнавец. Заслужаны дзеяч мастацтваў БССР (1979). Кандыдат мастацтвазнаўства (1969), дысертацыя «Гісторыя беларускага музычнага тэатра ад народных вытокаў да адкрыцця Дзяржаўнага тэатра оперы і балета».

Браніслаў Сільвестравіч Смольскі
Дата нараджэння	19 сакавіка 1909(1909-03-19)[1]
Месца нараджэння	Мінск, Мінскі павет, Мінская губерня, Расійская імперыя
Дата смерці	30 сакавіка 2005(2005-03-30)[2] (96 гадоў)
Грамадзянства	Расійская імперыя  СССР  Беларусь
Дзеці	Дзмітрый Браніслававіч Смольскі
Род дзейнасці	музыказнавец
Месца працы	Беларуская дзяржаўная кансерваторыя імя А. В. Луначарскага Ташкенцкая дзяржаўная кансерваторыя[d] Першы Нацыянальны канал Беларускага радыё Інстытут мастацтвазнаўства, этнаграфіі і фальклору імя Кандрата Крапівы НАН Беларусі Рэспубліканская музычная школа-дзесяцігодка пры Беларускай дзяржаўнай кансерваторыі імя А. В. Луначарскага
Навуковая ступень	кандыдат мастацтвазнаўства
Альма-матар	Маскоўская дзяржаўная кансерваторыя імя П. І. Чайкоўскага Расійскі інстытут тэатральнага мастацтва[d] (1960)
Узнагароды

У Вікіпедыі ёсць артыкулы пра іншых людзей з прозвішчам Смольскі.

Біяграфія

Скончыў у 1936 годзе гістарычнае аддзяленне Маскоўскай кансерваторыі, у 1960 годзе тэатразнаўчы факультэт ГІТІСа. Выкладчык Беларускай кансерваторыі (1936—1941, 1944—1950), Ташкенцкай кансерваторыі і музычнай школы-дзесяцігодкі пры Ташкенцкай кансерваторыі (1941—1943), спецыяльнай музычнай школы пры Беларускай кансерваторыі (1947—1960). У 1943—1944 гадах начальнік аддзела навучальных устаноў Упраўлення па справах мастацтваў пры СНК БССР. У 1951—1952 гадах загадчык музычнай рэдакцыі Беларускага радыё. У 1953—1955 гадах загадчык музычным аддзелам Упраўлення па справах мастацтваў Міністэрства культуры БССР. З 1955 года навуковы супрацоўнік, з 1965 года старэйшы навуковы супрацоўнік Інстытута мастацтвазнаўства, этнаграфіі і фальклору АН БССР.

Навуковая дзейнасць

Аўтар артыкулаў, прысвечаных пытанням развіцця беларускай музычнай культуры, тэатральных рэцэнзій, у т.л. (у калектыве аўтараў) раздзелы «Музычная культура Беларускай ССР» (у кнізе: Гісторыя музыкі народаў СССР. Т. 1-5); «Беларускі дзяржаўны ордэна Леніна Вялікі тэатр оперы і балета» (у кнізе: Мастацтва савецкай Беларусі. — Мінск, 1955), «Вытокі і першапачатковыя формы беларускага музычнага тэатра» (у кнізе: Беларускае мастацтва. — Мінск, 1960). Аўтар шэрагу творчых партрэтаў беларускіх оперных спявакоў^[5].

Сям’я

Сыны — Дзмітрый (1937—2017) і Аляксандр (нар. 1952), абодва беларускія кампазітары.

Зноскі

1. Смольский Бронислав Сильвестрович // https://www.biografija.ru/biography/smolskij-bronislav-silvestrovich.htm
2. https://bis.nlb.by/by/documents/129082
3. БелЭн 2002.
4. Смольскі Браніслаў Сільвестравіч на сайце анлайн-энцыклапедыі «Беларусь у асобах і падзеях»
5. Беларусь 1995.