Будынак рэальнага вучылішча (Орша)

Будынак рэальнага вучылішча — помнік грамадзянскай архітэктуры ў Оршы.

Будынак
Будынак рэальнага вучылішча
54°30′48,5″ пн. ш. 30°26′01,89″ у. д.HGЯO
Краіна	Беларусь
Горад	Орша
Дата пабудовы	1906 год
Статус	Гісторыка-культурная каштоўнасць Беларусі, шыфр 213Г000893шыфр 213Г000893
Медыяфайлы на Вікісховішчы

У паняцця ёсць і іншыя значэнні, гл. Будынак рэальнага вучылішча.

Гісторыя

Будынак у 1910 годзе

Пабудаваны з чырвонай цэглы ў 1906 годзе ў цэнтры горада (вул. Леніна, 41). У вучылішчы ў 1907—1909 гадах працаваў дзеяч рэвалюцыйнага руху, публіцыст П. М. Лепяшынскі.

У будынку размешчана сярэдняя школа № 1.

Архітэктура

Галоўны фасад

Двухпавярховы П-падобны ў плане мураваны аб'ём бакавымі крыламі арыентаваны ў двор. Галоўны ўваход у цэнтры будынку мае прыхожую, невялікі вестыбюль, адкуль трохмаршавыя парадныя ўсходы вядуць на другі паверх, дзе цэнтральнае месца займае актавая зала. Архітэктурна-мастацкае рашэнне будынку сціплае, дэкор вырашаны сродкамі цаглянай муроўкі. Галоўны фасад расчлянёны трыма рызалітамі. Сярэдні, які выступае больш за бакавыя, вылучаны высокімі арачнымі вокнамі другога паверху, галоўным уваходам і невялікім арыгінальным балкончыкам. Архітэктурную выразнасць аб'ёму ўзмацняецца яго каларыстычным рашэннем, вылучэннем на фоне чырвона-карычневай муроўкі ліштваў, карнізных цяг, абрамленняў кутоў і інш.

Літаратура

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 213Г000893

• Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.

Спасылкі

• На Вікісховішчы ёсць медыяфайлы па тэме Будынак рэальнага вучылішча (Орша)
• Будынак рэальнага вучылішча (Орша) на сайце Radzima.org
• Будынак рэальнага вучылішча (Орша) на сайце Глобус Беларусі (руск.)
• Будынак рэальнага вучылішча (Орша) на сайце «Архіварта»