Буркоўскі сельсавет

Бурко́ўскі сельсавет — адміністрацыйна-тэрытарыяльная адзінка ў складзе Брагінскага раёна Гомельскай вобласці Беларусі. Адміністрацыйны цэнтр — аграгарадок (да 2009 г. вёска) Буркі. Знаходзіцца на паўночным захадзе раёна.

Буркоўскі сельсавет
Краіна	Беларусь
Уваходзіць у	Брагінскі раён
Уключае	12 населеных пунктаў
Адміністрацыйны цэнтр	Буркі
Дата ўтварэння	8 снежня 1926, 18 сакавіка 2005
Дата скасавання	26 лістапада 1959
Насельніцтва (2019)	1 034
Часавы пояс	+2
Код аўтам. нумароў	3

Гісторыя

Пасля другога ўзбуйнення БССР з 8 снежня 1926 года сельсавет у складзе Брагінскага раёна Рэчыцкай акругі БССР. З 9 чэрвеня 1927 года ў складзе Гомельскай акругі. 30 снежня 1927 года сельсавет узбуйнены, у яго склад увайшла тэрыторыя скасаваных Бакуноўскага і Сабалёўскага сельсаветаў. Пасля скасавання акруговага падзелу 26 ліпеня 1930 года ў складзе Брагінскага раёна БССР. З 20 лютага 1938 года ў складзе Палескай вобласці, з 8 студзеня 1954 года — Гомельскай вобласці. 26 лістапада 1959 года скасаваны, тэрыторыя далучана да Мікуліцкага сельсавета^[1].

18 сакавіка 2005 года Астраглядаўскі сельсавет перайменаваны ў Буркоўскі^[2]. 20 жніўня 2008 года былі ліквідаваныя вёскі Астрагляды, Багушы, Вязок і Хатуча^[3]. 1 снежня 2009 года да сельсавета далучана тэрыторыя скасаванага Мікуліцкага сельсавета (5 населеных пунктаў: аграгарадок Мікулічы, вёскі Вялікі Лес, Конанаўшчына, Рыжкаў і Чырвонае Поле), таксама ў склад сельсавета перададзены вёскі Красная Гара і Сабалі, якія знаходзіліся ў раённым падпарадкаванні^[4].

Насельніцтва

Насельніцтва сельсавета паводле перапісу 2009 года (5 населеных пунктаў) — 646 чалавек^[5], з іх 97,1 % — беларусы, 1,1 % — рускія, 1,1 % — украінцы^[6]; паводле перапісу 2019 года (12 населеных пунктаў) — 1034 чалавекі^[7].

Зноскі

1. Рашэнне выканаўчага камітэта Гомельскага абласнога Савета дэпутатаў працоўных ад 26 лістапада 1959 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1959, № 17.
2. Решение Гомельского облсовета депутатов от 18 марта 2005 г. № 159 О переименовании Остроглядовского и Сперижского сельсоветов Брагинского района (нявызн.)(недаступная спасылка). Архівавана з першакрыніцы 13 чэрвеня 2021. Праверана 21 лістапада 2020.
3. Решение Брагинского районного Совета депутатов от 20 августа 2008 г. № 68 Об упразднении сельских населенных пунктов Брагинского района Архівавана 17 сакавіка 2018.
4. Решение Гомельского областного Совета депутатов от 1 декабря 2009 г. № 276 Об изменении административно-территориального устройства Брагинского района Гомельской области Архівавана 29 кастрычніка 2013.
5. Колькасць насельніцтва населеных пунктаў Гомельскай вобласці Беларусі паводле перапісу 2009 года
6. Этнічны склад насельніцтва сельсаветаў Беларусі паводле перапісу 2009 года
7. Колькасць насельніцтва населеных пунктаў Гомельскай вобласці Беларусі паводле перапісу 2019 года