Бухта Правідзення

Бухта Правідзення — фіёрд у Анадырскім заліве Берынгава мора, каля паўднёва-усходняга берага Чукоцкага паўвострава, у Расіі.

Даўжыня каля 50 км, шырыня на ўваходзе каля 9 км, глыбіня да 50 метраў. Прылівы паўсутачныя (да 1 м). Зімой замярзае. На ўзбярэжжы — порт Правідзення. Адкрыта экспедыцыяй В.Берынга ў 1728 годзе. Названа ў 1848 годзе англійскім капітанам Мурам у адзначэнне шчаслівага правідзення, якое дазволіла яго караблю правесці зімоўку ў бухце.

Літаратура

• Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — 576 с. — 10 000 экз. — ISBN 985-11-0035-8. — ISBN 985-11-0198-2 (т. 12).