Вааль

Ва́аль^[2] (афр.: Vaal) — рака ў Паўднёва-Афрыканскай Рэспубліцы, найбуйнейшы прыток ракі Аранжавая.

Вааль
афрык. Vaal
Характарыстыка
Даўжыня	1 120 км
Басейн	196 438 км²
Расход вады	125 м³/с
Вадацёк
Выток
• Месцазнаходжанне	Драконавыя горы
• Каардынаты	26°19′02″ пд. ш. 30°00′24″ у. д.HGЯO
Вусце	Аранжавая[1]
• Каардынаты	29°04′15″ пд. ш. 23°38′10″ у. д.HGЯO
Размяшчэнне
Водная сістэма	Аранжавая → Атлантычны акіян
Краіна	Паўднёва-Афрыканская Рэспубліка
— выток, — вусце
Медыяфайлы на Вікісховішчы

Даўжыня ракі 1120 км, плошча вадазбору — 196 438 км². Сярэдні расход вады ў ніжнім цячэнні 114^[3][4][2] м³/с.

Выток ракі знаходзіцца ў Драконавых гарах, на ўсход ад Яганэсбургу. Рака перасякае Драконавыя горы і плато Велд у глыбокай даліне, цячэ на паўднёвы захад да ўпадзення ў раку Аранжавую. Рэчышча ўтварае мяжу паміж паўднёва-афрыканскімі правінцыямі Мпумаланга, Гаўтэнг ды Паўночна-Заходняя правінцыя па правым беразе, і з правінцыяй Вольная дзяржава — на левым. Буйнейшыя прытокі: Вілге, Фет, Рыт (левыя), Харст^[3][2]. Паводкі ў лістападзе — лютым. На рацэ буйное вадасховішча Вааль-Вілге^[3].

Гісторыя

Узыход Сонца над ракою

Рака ў мінулым утварала мяжу між дзвюма бурскімі рэспублікамі, а пазней — правінцыямі Трансвааль і Аранжавая Вольная дзяржава. Геаграфічную назву Трансвааль можна перакласці літаральна як «па-за ракой Вааль». Назва пачала ўжывацца для адмежавання гэтых тэрыторый ад Капскай калоніі і калоніі Наталь.

Назву ракі Вааль можна перакласці з нідэрландскай мовы (а пазней — з афрыкаанс) — як цьмяны або блёклы. Імаверна, што тая назва пайшла ад колеру вады, асабліва падчас разліваў, калі з-за глею вада набывае каламутныя адценні.