Вадзяны перац

У паняцця ёсць і іншыя значэнні, гл. Вадзяны перац (значэнні).

Вадзяны́ пе́рац, лягушыная трава, драсён перцавы (Persicaria hydropiper) — аднагадовая травяністая расліна з роду драсён сямейства драсёнавых. Народныя назвы вадзяная гарчыца, дрост, гарчак бабскі.

Вадзяны перац
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гваздзікакветныя Сямейства:  Драсёнавыя Падсямейства:  Polygonoideae Трыба:  Persicarieae Падтрыба:  Persicariinae Род:  Драсён Від:  Вадзяны перац
Міжнародная навуковая назва
Persicaria hydropiper (L.) Delarbre, 1800
Сінонімы
Polygonum hydropiper L.basionym Persicaria hydropiper (L.) Opiz Persicaria hydropiper (L.) Spach Persicaria urens Garsault nom. inval. Persicaria vernalis Nakai Polygonum schinzii J.Schust.
Сістэматыка на Віківідах Выявы на Вікісховішчы ITIS   518732 NCBI   46901 EOL   586677 GRIN   t:400981 IPNI   77069479-1 TPL   kew-2572559

Апісанне

Расліна вышынёй 30-60 см, з паўзучым карэнішчам, едкая, пякуча-горкая на смак. Сцяблы прамастойныя, вузлаватыя, з раструбамі, часта чырванаватыя. Лісце падоўжана-ланцэтнае, з залозістымі кропкамі, звеху голае, знізу слабаапушанае, верхняее сядзячае, ніжняе чаранковае. Кветкі дробныя, зеленавата- або белавата-ружовыя, у вузкіх перарывістых паніклых коласападобных гронках. Плод — трохгранны матавы арэшак.

Пашырэнне

Пашыраны ў Еўразіі і Паўночнай Амерыцы. На Беларусі — усюды. Расце на багністых берагах рэк, азёр, сажалак, на вільготных лугах, у чорнаальховых лясах. Цвіце ў чэрвені-верасні.

Выкарыстанне

Старажытная лекавая расліна, вядома як кроваспыняльны, вяжучы, абязбольвальны, заспакаяльны, процізапаленчы і антысептычны сродак. Выкарыстоўваюць сцяблы, лісце, кветкі. Добры фарбавальнік. Ядавіты.

Зноскі