Валерый Канстанцінавіч Лябёдка

Валерый Канстанцінавіч Лябёдка (26 ліпеня 1951, г. п. Езярышча, Гарадоцкі раён, Віцебская вобласць — 10 сакавіка 2016, Мінск) — беларускі мастак, доктар педагагічных навук (1994), прафесар (1997).

Валерый Канстанцінавіч Лябёдка
Дата нараджэння	26 ліпеня 1951(1951-07-26)
Месца нараджэння	Езярышча, Мехаўскі раён, Віцебская вобласць, Беларуская ССР, СССР
Дата смерці	10 сакавіка 2016(2016-03-10) (64 гады)
Месца смерці	Мінск, Беларусь
Род дзейнасці	навуковец
Месца працы	Віцебскі дзяржаўны ўніверсітэт імя П. М. Машэрава Маскоўскі педагагічны дзяржаўны ўніверсітэт[d]
Вучоба	Віцебскі дзяржаўны педагагічны інстытут (1975)
Член у	Беларускі саюз мастакоў
Узнагароды

У Вікіпедыі ёсць артыкулы пра іншых людзей з прозвішчам Лябёдка.

Біяграфія

У 1975 годзе скончыў мастацка-графічны факультэт Віцебскага дзяржаўнага педінстытута. З 1977 года выкладчык, старшы выкладчык кафедры малюнка і жывапісу гэтай навучальнай установы. З 1991 года ў Маскоўскім педагагічным універсітэце, загадваў кафедрай малюнка і жывапісу. Выкладчыцкую дзейнасць спалучаў з творчасцю, член Беларускага саюза мастакоў. Удзельнік мастацкіх выставак у Віцебску, Маскве, Чэбаксарах, Смаленску.

Літаратура

• Валерый Лябёдка // Саюз творцаў : фотаальбом / уклад. і аўтар тэксту М. Л. Цыбульскі. — Мн., 2005. — С. 79.
• Лябёдка Валерый Канстанцінавіч // Памяць : Гарадоцкі р-н : гісторыка-дакументальныя хронікі гарадоў і раёнаў Беларусі / уклад. С. І. Садоўская; рэдкал. Н. А. Бурунова [і інш.]. — Мн., 2004. — С. 713.