Валерый Леанідавіч Варановіч

Валерый Леанідавіч Варановіч (нар. 18 кастрычніка 1965, Гродна) — беларускі мовазнаўца. Кандыдат філалагічных навук (2001), дацэнт (2006).

Валерый Леанідавіч Варановіч
Дата нараджэння	18 кастрычніка 1965(1965-10-18) (59 гадоў)
Месца нараджэння	Гродна, Гродзенская вобласць, Беларуская ССР, СССР
Род дзейнасці	мовазнавец
Месца працы	філалагічны факультэт БДУ
Навуковая ступень	кандыдат філалагічных навук
Навуковае званне	дацэнт
Альма-матар	Гродзенскі дзяржаўны ўніверсітэт імя Янкі Купалы
Член у	Рэспубліканская тэрміналагiчная камiсiя пры НАН Беларусi Міжнародная асацыяцыя беларусістаў

У Вікіпедыі ёсць артыкулы пра іншых людзей з прозвішчам Варановіч.

Біяграфія

Нарадзіўся 18 кастрычніка 1965 года ў Гродне. Скончыў філалагічны факультэт Гродзенскага дзяржаўнага ўніверсітэта імя Янкі Купалы ў 1991 годзе^[1] па спецыяльнасці «Руская мова і літаратура, беларуская мова і літаратура»^[2]. У 1996 годзе скончыў аспірантуру па спецыяльнасці «Беларуская мова»^[2].

З 1991 года працуе ў Гродзенскім дзяржаўным універсітэце: у 2008—2010 гадах займаў пасаду дэканa філалагічнага факультэта, з 2010 года быў загадчыкам кафедры беларускай мовы, пазней да 2014 года — загадчыкам кафедры беларускага і супастаўляльнага мовазнаўства. У наш час працуе дацэнтам кафедры беларускай філалогіі^[1].

Член Міжнароднай арганізацыі беларусістаў з 1996 года^[2]. Член арфаграфічнай секцыі Рэспубліканскай тэрміналагічнай камісіі пры НАН Беларусі^[3].

Навуковая дзейнасць

Сфера навуковых інтарэсаў уключае словаўтварэнне ў беларускай і іншых славянскіх мовах, тэорыю словаўтварэння, беларускую арфаграфію, марфаналогію беларускай мовы, фаналогію беларускай і славянскіх моў^[1].

Аўтар манаграфій «Словаўтварэнне назоўнікаў у беларускай мове» (2005), «Славистика от фонологии до словообразования» (2018), шматлікіх навуковых артыкулаў і вучэбна-метадычных прац^[1].