Валерый Мікалаевіч Іваноў

У Вікіпедыі ёсць артыкулы пра іншых людзей з прозвішчам Іваноў.

Вале́рый Мікала́евіч Івано́ў (27 ліпеня 1955, в. Папехінка Клімавіцкага раёна Магілёўскай вобласці) — беларускі дзяржаўны дзеяч, кіраўнік справамі Прэзідэнта Беларусі (з 2021), намеснік прэм’ер-міністра Беларусі (2010—2012).

Валерый Мікалаевіч Іваноў
Намеснік прэм’ер-міністра Рэспублікі Беларусь 28 снежня 2010 — 28 лютага 2012
Прэзідэнт	Аляксандр Лукашэнка
Кіраўнік урада	Міхаіл Мясніковіч
Нараджэнне	27 ліпеня 1955(1955-07-27) (70 гадоў) Папехінка, Лабжанскі сельсавет, Клімавіцкі раён, Магілёўская вобласць, Беларуская ССР, СССР
Адукацыя	БДУ (1992) Беларуская дзяржаўная сельскагаспадарчая акадэмія (1983) Акадэмія кіравання пры Прэзідэнце Рэспублікі Беларусь (2006) Клімавіцкі саўгас-тэхнікум (1973)
Узнагароды

Біяграфія

У 1973 годзе скончыў Клімавіцкі саўгас-тэхнікум.

Працаваў галоўным заатэхнікам, старшынёй калгаса «Кастрычнік», старшынёй калгасаў імя Дзімітрава Круглянскага раёна, «Рассвет» імя К. П. Арлоўскага Кіраўскага раёна Магілёўскай вобласці.

У 1983 годзе скончыў Беларускую сельскагаспадарчую акадэмію, у 1992 — Беларускі дзяржаўны ўніверсітэт, у 2006 — Акадэмію кіравання пры прэзідэнце Беларусі.

1987—1997 — першы намеснік старшыні Круглянскага райвыканкама. 2002—2004 — старшыня Кіраўскага, 2004—2008 — Шклоўскага райвыканкамаў.

Член Савета Рэспублікі 2 і 3 скліканняў (2000—2008), намеснік старшыні Палаты прадстаўнікоў 4 склікання (2008—2010).

25 мая 2010 — 28 снежня 2010 — першы намеснік старшыні Мінскага аблвыканкама.

З 28 снежня 2010 — намеснік прэм’ер-міністра Беларусі. Адказваў за пытанні сельскай і лясной гаспадаркі, аховы прыроды.

28 лютага 2012 звольнены з пасады намесніка прэм’ер-міністра і прызначаны генеральным дырэктарам ЗАТ «Беларуская калійная кампанія»^[1].

У кастрычніку 2012 года абраны членам Савета Рэспублікі 5 склікання ад Магілёўскай вобласці.

Са снежня 2013 года да ліпеня 2021 года з’яўляўся старшынёй праўлення Беларускага рэспубліканскага саюза спажывецкіх таварыстваў.

8 ліпеня 2021 года прызначаны кіраўніком справамі Прэзідэнта Беларусі^[2]. 16 жніўня 2022 года перайшоў на іншую працу^[3].

У сакавіку 2022 года Валерый Іваноў трапіў пад санкцыі Канады^[4].

У красавіку 2024 года быў выбраны дэлегатам на Усебеларускі народны сход 7-га склікання ад Беларускага грамадскага аб’яднання ветэранаў^[5].

Сям'я

Жанаты, мае двух дзяцей.

Узнагароды

Узнагароджаны ордэнам Пашаны, медалём «За працоўныя адзнаку», Ганаровай граматай Нацыянальнага сходу Рэспублікі Беларусь, Ганаровай граматай Парламенцкага схода Саюза Беларусі і Расіі, юбілейным медалём «90 гадоў Узброеных Сіл Рэспублікі Беларусь».

Зноскі

1. Архівавана 5 ліпеня 2012.
2. Архіўная копія (нявызн.)(недаступная спасылка). Архівавана з першакрыніцы 16 жніўня 2022. Праверана 8 ліпеня 2021.
3. Лукашэнка замяніў кіраўніка Упраўлення справамі, які летась заняў месца Шэймана Архівавана 17 жніўня 2022.
4. Канада расширила санкции против Беларуси (руск.). Reform.by (11 сакавіка 2022).
5. сегодня, СБ-Беларусь. Публикуем полный список делегатов Всебелорусского народного собрания (руск.)  (нявызн.) ?. www.sb.by (19 красавіка 2024). Праверана 29 снежня 2024.