Валерый Пятровіч Ваўлеў

У Вікіпедыі ёсць артыкулы пра іншых людзей з прозвішчам Ваўлеў.

Валерый Пятровіч Ваўлеў (нар. 13 студзеня 1949, Парэчча, Гродзенскі раён, Гродзенская вобласць) — беларускі баскетбольны трэнер. Заслужаны трэнер Рэспублікі Беларусь па баскетболе. Кіраўнік федэрацыі баскетбола ў Мастоўскім раёне. Бацька баскетбольнага трэнера Андрэя Ваўлева^[1].

Валерый Пятровіч Ваўлеў
Нарадзіўся	13 студзеня 1949(1949-01-13) (76 гадоў) Гродзенскі раён, Гродзенская вобласць, Беларуская ССР, СССР
Грамадзянства	Беларусь

Біяграфія

У 1950 годзе сям’я Ваўлева пераехала жыць у г. Масты. У 1966 годзе ён скончыў сярэднюю школу № 1 г. Масты.

З 1960 года ў Мастах была адкрыта спартовая школа, і ён быў залічаны ў першыя шэрагі спартоўцаў. Яго трэнерам быў Пранас Прана Мікалаюнас. За час заняткаў у спартовай школе ён неаднаразовае быў срэбным прызёрам Гродзенскай вобласці і членам зборнай каманды.

У 1970 годз скончыў спартовы факультэт БДІФК па спецыяльнасці «Трэнер па баскетболе» і яму былі прысвоены званне «Кандыдат у майстры спорту» і вышэйшая судзейская катэгорыя.

Пасля службы ў войску працаваў трэнерам-выкладнікам ДЮСШ у Мастах. Потым у 2005—2010 гадах — трэнерам-выкладнікам дзяржаўнай вучылішча алімпійскага рэзерву ў Мінску.

Пазней быў трэнерам-выкладнікам Мастоўскай ДЮСШАР. З 2011 па 2016 гады кіраваў спартовай школай.

За час працы трэнерам-выкладнікам яго выхаванцамі былі: Лілія Малая, Ала Крышчык, Вольга Кантар, Таццяна Кароль, Святлана Дзенісевіч, Наталля Ёрш, Ірына Венская, Вольга Цярэнцьева.

Клубная трэнерская кар’ера

• 1994—1995 — Мастаўчанка (Масты)
• 2006—2007 — РДВАР-РЦАР (Мінск)
• 2007—2009 — РДВАР (Мінск) (другі трэнер)

Зноскі

1. Путь на Олимп начинается с «Олимпа». Как растят будущих звезд баскетбола в Мостах