Валерый Сцяпанавіч Задаля

Валерый Сцяпанавіч Задаля (псеўд. Антон Лабовіч; 15 сакавіка 1953, Клецк — 11 красавіка 2007, Гродна) — беларускі журналіст, грамадска-палітычны дзеяч.

Валерый Сцяпанавіч Задаля
Род дзейнасці	журналіст
Дата нараджэння	15 сакавіка 1953(1953-03-15)
Месца нараджэння	Клецк, Клецкі раён, Баранавіцкая вобласць, Беларуская ССР, СССР
Дата смерці	11 красавіка 2007(2007-04-11) (54 гады)
Месца смерці	Гродна, Гродзенская вобласць, Беларусь
Месца пахавання	Аульс
Месца працы	Новае жыццё Тэлерадыёкампанія «Гродна»
Альма-матар	факультэт журналістыкі БДУ
Партыя	Партыя БНФ
Член у	Беларуская асацыяцыя журналістаў Беларускі ПЭН Таварыства беларускай школы

Біяграфія

Закончыў факультэт журналістыкі Беларускага дзяржаўнага ўніверсітэта. Працаваў карэспандэнтам клецкай раённай газеты, рэдактарам навагрудскай газеты «Новае жыццё», намеснікам старшыні Тэлерадыёкампаніі Гродна.

Член Партыі БНФ, Беларускай асацыяцыі журналістаў (з 1997), ПЭН-цэнтра.

Пасля вымушанага звальнення з Тэлерадыёкампаніі ў канцы 1990-х працаваў у грамадскім аб’яднанні «Ратуша», потым (пасля закрыцця аб’яднання) у гарадзенскім аддзяленні «Таварыства беларускай школы». У апошнія гады жыцця займаўся актыўнай і плённай грамадскай дзейнасцю: стварыў «Літаратурную гасцёўню», выдаваў і рэдагаваў шэраг лакальных спецыялізаваных газет, быў адным са сталых выкладчыкаў гродзенскай Школы маладога журналіста.

Памёр ад цяжкай хваробы на 55 годзе жыцця. Пахаваны на Аульсаўскіх могілках Гродна.

Спасылкі

• Вянок памяці: Валерый Задаля // Радыё «Свабода» 12.04.2007
• Памёр Валерый Задаля // «Твой стыль» 12.04.2007 Архівавана 3 верасня 2021.