Валянціна Васілеўна Сярых

Валянціна Васілеўна Сяры́х^[1][2] (нар. 22 чэрвеня 1951^[2], Бабруйск) — беларускі кампазітар ^[3], стваральнік і кіраўнік першай дзіцячай эстраднай вакальнай студыі «Званочак»^[4].

Валянціна Васілеўна Сярых
Дата нараджэння	22 чэрвеня 1951(1951-06-22) (74 гады)
Месца нараджэння	Бабруйск, Бабруйская вобласць, Беларуская ССР, СССР
Краіна	СССР  Беларусь
Альма-матар	Расійская акадэмія музыкі імя Гнесіных[d]
Месца працы	Беларускі дзяржаўны ўніверсітэт культуры і мастацтваў БДПУ
Музычная дзейнасць
Педагог	Мікалай Іванавіч Пяйко[d] і Genrikh Litinsky[d]
Прафесіі	кампазітарка
Грамадская дзейнасць
Член у	Беларускі саюз кампазітараў

Біяграфія

Нарадзілася ў Бабруйску ў сям’і ваенаслужачага^[5]. Адной з першых настаўніц музыкі для маленькай Валі стала беларуская оперная спявачка і музычны педагог Любоў Сямашка^[5]. Скончыла музычную школу па класу фартэпіяна ў Гомелі^[6]. У 1975 годзе скончыла ДМПІ імя Гнесіных  (руск.) (Масква) па класу кампазіцыі прафесара М. І. Пяйко і ў 1985 годзе аспірантуру пад кіраўніцтвам М. І. Пяйко  (руск.) і Г. І. Ліцінскага  (руск.)^[3]. З 1975 года выкладала ў Мінскім інстытуце культуры, з 1985 года ў Мінскім педагагічным інстытуце, з 1986 года ў адной з музычных школ Мінска^[1]. З 1991 года кіраўнік створанай ёю першай дзіцячай эстраднай вакальнай студыі «Званочак»^[1].

Член Саюза кампазітараў Беларусі (1978)^[3].

Творчасць

Валянціна Сярых найбольш поўна праявіла сябе ў камернай музыцы. Яе фартэпіянныя п’есы, інструментальныя ансамблі, а таксама рамансы і песні вызначаюцца выразнасцю мелодыкі, маляўнічасцю гучання, шчырасцю і эмацыянальнасцю^[3]. Творы Валянціны Сярых абапіраюцца на традыцыі беларускага фальклору, рускай класікі. Валянціна Сярых напісала шмат камерна-інструментальных мініяцюр і песень, якія вызначаюцца меладыйнасцю і лірычнай напоўненасцю^[3].

Асобнае месца ў творчасці кампазітара займае музыка для дзяцей. Сярод дзіцячых твораў кампазітара п’еса «Танец маленькага медзведзяня», песні «Залаты карасік», «Месяц і слон», «Ручаёк», «Дабранач, сад», «Як вясна прыйшла».

Сярод твораў Валянціны Сядых: фантазія для сімфанічнага аркестра «Беларускія Каляды» (1985), канцэрціна для фартэпіяна, літаўраў і аркестра (1979), творы для фартэпіяна, трыа для скрыпкі, віяланчэлі і фартэпіяна (1977), «Марш-скерцына» для ансамбля скрыпачоў (1986), саната для габоя і фартэпіяна, вакальны цыкл «Вясковыя песні», «Рамансы на вершы М. Танка», «Рамансы на вершы М. Багдановіча», апрацоўкі беларускіх народных, італьянскіх, французскіх, нямецкіх і амерыканскіх песень.

У 1994—2000 гадах аўтар і вядучая радыёперадачы «Музычны дамок»^[1].