Валянцін Аркадзевіч Гурыновіч

У Вікіпедыі ёсць артыкулы пра іншых людзей з прозвішчам Гурыновіч.

Валянцін Аркадзевіч Гурыновіч (нар. 6 мая 1950, Магілёўская вобласць) — беларускі дзяржаўны дзеяч, дыпламат.

Валянцін Аркадзевіч Гурыновіч
Нараджэнне	6 мая 1950(1950-05-06) (75 гадоў) Тупічына, Дзямідавіцкі сельсавет, Касцюковіцкі раён, Магілёўская вобласць, Беларуская ССР, СССР
Адукацыя	механіка-тэхналагічны факультэт БНТУ
Месца працы	Мінскі аўтамабільны завод
Узнагароды

Біяграфія

Нарадзіўся 6 мая 1950 года.

У 1969—1971 гадах служыў у арміі.

У 1971—1977 гадах — слесар інструментальшчык, інжынер-тэхнолаг Мінскага аўтамабільнага завода.

У 1978 годзе скончыў Беларускі політэхнічны інстытут па спецыяльнасці «Машыны і тэхналогія апрацоўкі металаў».

У 1977—1994 гадах працаваў на розных кіруючых пасадах на Мінскім аўтамабільным заводзе. У 1994—1995 гадах — намеснік генеральнага дырэктара па вытворчасці вытворчага аб’яднання «БелаўтаМАЗ». У 1995—1996 в.а. генеральнага дырэктара вытворчага аб’яднання «БелаўтаМАЗ» — в.а. дырэктара Мінскага аўтамабільнага завода. У 1996—2006 гадах — генеральны дырэктар вытворчага аб’яднання «БелаўтаМАЗ» — дырэктар, генеральны дырэктар Мінскага аўтамабільнага завода.

У 2006—2008 гадах — намеснік Міністра прамысловасці Рэспублікі Беларусь.

З 14 жніўня 2008 года па 31 ліпеня 2012 года — Надзвычайны і Паўнамоцны Пасол Рэспублікі Беларусь у Баліварыянскай Рэспубліцы Венесуэла.

Прэміі

• Дзяржаўная прэмія Рэспублікі Беларусь у галіне навукі і тэхнікі (2002, у аўтарскім калектыве) — за працу «Распрацоўка і асваенне вытворчасці на РУП „Мінскі аўтамабільны завод“ сямейства гарадскіх, прыгарадных і міжгародніх аўтобусаў».
• 10 кастрычніка 1997 года ўзнагароджаны Ганаровай граматай Савета міністраў Рэспублікі Беларусь^[1].
• 6 верасня 2004 года ўзнагароджаны Ганаровай граматай Нацыянальнага схода Рэспублікі Беларусь^[2].

Зноскі

1. Постановление Совета Министров Республики Беларусь от 10 октября 1997 г. №1343 «О награждении В. А. Гуриновича Почетной грамотой Совета Министров Республики Беларусь» (руск.)
2. Постановление Президиума Совета Республики Национального собрания Республики Беларусь от 6 сентября 2004 г. №822-ПСР2 «О награждении В. А. Гуриновича, В. И. Лабецкого, А. В. Максимовича, И. П. Мартынович и И. Э. Мотуза Почетной грамотой Национального собрания Республики Беларусь» (руск.)