Валянцін Барысавіч Нямцоў

У Вікіпедыі ёсць артыкулы пра іншых людзей з прозвішчам Нямцоў.

Валянцін Барысавіч Нямцо́ў^[1] (24 лютага 1936(1936-02-24), Навасёлкі, Пухавіцкі раён — 14 мая 2012(2012-05-14)) — беларускі вучоны ў галіне статыстычнай механікі. Кандыдат тэхнічных навук (1965), доктар фізіка-матэматычных навук (1988), прафесар (1989).

Валянцін Барысавіч Нямцоў
Дата нараджэння	24 лютага 1936(1936-02-24)
Месца нараджэння	Навасёлкі, Навасёлкаўскі сельсавет, Пухавіцкі раён, Беларуская ССР, СССР
Дата смерці	14 мая 2012(2012-05-14) (76 гадоў)
Месца пахавання	Усходнія могілкі
Грамадзянства	СССР  Беларусь
Род дзейнасці	фізік, выкладчык універсітэта
Месца працы	Беларускі тэхналагічны інстытут імя С. М. Кірава
Навуковая ступень	кандыдат тэхнічных навук і доктар фізіка-матэматычных навук
Навуковае званне	прафесар (1989)
Альма-матар	Беларускі лесатэхнічны інстытут імя С. М. Кірава (1959) Мар’інагорскі навучальна-педагагічны комплекс дзіцячы сад — сярэдняя школа БПІ (1964)
Вядомыя вучні	Уладзімір Аляксандравіч Мацкевіч
Член у	Таварыства беларускай мовы імя Францішка Скарыны

Біяграфія

Скончыў Беларускі лесатэхнічны інстытут (1959), аспірантуру Беларускага політэхнічнага інстытута (1964).

Працаваў у Беларускім дзяржаўным тэхналагічным універсітэце з 1966 года, загадчык кафедры тэарэтычнай механікі з 1992 па 2001 год. З 2001 года прафесар кафедры тэарэтычнай механікі^[2]. Член Міжнароднага таварыства па вадкіх крышталях, член рэдкалегіі Міжнароднага часопіса «Нелінейныя з’явы ў складаных сістэмах».

Навуковыя інтарэсы

Тэарэтычная і прыкладная механіка, статыстычная механіка і тэрмадынаміка раўнаважных і нераўнаважных працэсаў у |вадкіх крышталях, фізіка кандэнсаваных сістэм (вадкіх крышталёў, малекул ДНК, біялагічных мембран).