Валянцін Вікенцьевіч Гарахавік

Валянцін Вікенцьевіч Гарахавік (нар. 29 сакавіка 1949, в. Харошае, Лагойскі раён, Мінская вобласць) — беларускі матэматык. Доктар фізіка-матэматычных навук (1989, Выпуклыя і нягладкія задачы вектарнай аптымізацыі), прафесар (1991), член-карэспандэнт НАН Беларусі (2000).

Валянцін Вікенцьевіч Гарахавік
Дата нараджэння	29 сакавіка 1949(1949-03-29) (76 гадоў)
Месца нараджэння	Харошае, Горнаўскі сельсавет, Плешчаніцкі раён, Мінская вобласць, Беларуская ССР, СССР
Грамадзянства	СССР  Беларусь
Род дзейнасці	матэматык
Навуковая сфера	нелінейны аналіз, тэорыя аптымізацыі, аптымальныя сістэмы кіравання
Месца працы	Інстытут матэматыкі НАНБ
Навуковая ступень	доктар фізіка-матэматычных навук
Навуковае званне	прафесар, член-карэспандэнт НАН Беларусі
Альма-матар	матэматычны факультэт БДУ

У Вікіпедыі ёсць артыкулы пра іншых людзей з прозвішчам Гарахавік.

Біяграфія

Скончыў БДУ (1970). Працуе ў Інстытуце матэматыкі НАН Беларусі, адначасова ў БДУ. Навуковыя працы прысвечаны нелінейнаму аналізу, тэорыі аптымізацыі і аптымальным сістэмам кіравання. Распрацаваў метады апраксіматыўнага квазідыферэнцавання нягладкіх функцый і адлюстраванняў і на іх аснове атрымаў як неабходныя, так і дастатковыя ўмовы аптымальнасці першага і другога парадкаў для нягладкіх задач вектарнай аптымізацыі, у тым ліку і для задач аптымальнага кіравання з вектарным паказнікам якасці.

Навуковыя працы

• Выпуклые и негладкие задачи векторной оптимизации. Мн., 1990;
• Piecewice affine functions and polyhedral sets // Optimization. 1994. V. 31, № 2 (разам з О.Зорка);
• Дифференцируемости мультиотображений в смысле Фреше // Труды Ин-та математики НАН Беларусі. 1998. Т. 1 (разам з П.Забрэйкам).
• Geometric structure and classification of infinite-dimensional halfspaces (в соавт. с Е. А. Шинкевич) // Algebraic Analysis and Related Topics / Banach Center Publications. 2000. Vol.53.
• Конечномерные задачи оптимизации. Мн.: Издат. центр БГУ, 2007.

Зноскі