Плешчаніцкі раён

Пле́шчаніцкі раён — адміністрацыйна-тэрытарыяльная адзінка ў БССР у 1924—1962 г. Цэнтр — гарадскі пасёлак Плешчаніцы.

Плешчаніцкі раён
Краіна	СССР
Уваходзіць у	Мінская вобласць
Адміністрацыйны цэнтр	Плешчаніцы
Дата ўтварэння	17 ліпеня 1924
Дата скасавання	25 снежня 1962
Насельніцтва (1959)	28 150
Плошча	1 147 км²
Вышыня над узроўнем мора	190 м[1]

Гісторыя

Раён утвораны 17 ліпеня 1924 года ў складзе Барысаўскай акругі БССР. Цэнтр — мястэчка Плешчаніцы. 20 жніўня 1924 года раён падзелены на 11 сельсаветаў:

• Акалоўскі
• Амнішаўскі
• Горнаўскі
• Завішынскі
• Запольскі
• Зарэцкі
• Ізбішчанскі
• Крайскі
• Плешчаніцкі
• Прусевіцкі
• Хатаевіцкі.

24 верасня 1926 года Акалоўскі і Амнішаўскі сельсаветы рэарганізаваны ў нацыянальныя польскія сельсаветы. З 9 чэрвеня 1927 года раён у складзе Мінскай акругі. 22 верасня 1927 года да раёна далучаны Ганцавіцкі і Каменскі сельсаветы скасаванага Зембінскага раёна. Пасля скасавання акруговага падзелу 26 ліпеня 1930 года раён у прамым падпарадкаванні БССР. 26 мая 1935 года Акалоўскі і Амнішаўскі нацыянальныя польскія сельсаветы рэарганізаваны ў беларускія сельсаветы. З 20 лютага 1938 года раён у складзе Мінскай вобласці. 27 верасня 1938 года Плешчаніцы атрымалі статус гарадскога пасёлка. У 1939 годзе Хатаевіцкі сельсавет перайменаваны ў Акцябрскі. 16 ліпеня 1954 года скасаваны Амнішаўскі, Ганцавіцкі, Горнаўскі, Завішынскі, Запольскі сельсаветы, утвораны Задор’еўскі і Нястанавіцкі сельсаветы^[2]. 25 снежня 1962 года раён скасаваны, яго тэрыторыя далучана да Лагойскага раёна.

Зноскі

1. GeoNames — 2005. Праверана 9 ліпеня 2017.

   <a href='https://wikidata.org/wiki/Track:Q830106'></a>
2. Указ Президиума Верховного Совета БССР от 16 июля 1954 г. Об объединении сельских советов Минской области // Сборник законов Белорусской ССР и указов Президиума Верховного Совета Белорусской ССР: 1938-1955 гг. — Мн.: Изд. Президиума Верхов. Совета БССР, 1956. — 347 с.