Валянцін Канстанцінавіч Давыдаў

Валянцін Канстанцінавіч Давыдаў (22 ліпеня 1934, в. Уласава, Валагодская вобласць, Расія — 2015) — беларускі артыст балета. Народны артыст Беларускай ССР (1964).

Валянцін Канстанцінавіч Давыдаў
Дата нараджэння	22 ліпеня 1934(1934-07-22)
Месца нараджэння	Валагодская вобласць
Дата смерці	2015
Прафесія	артыст балета
Тэатр	Дзяржаўны акадэмічны Вялікі тэатр оперы і балета БССР Беларускае дзяржаўнае харэаграфічнае вучылішча
Узнагароды

У Вікіпедыі ёсць артыкулы пра іншых людзей з прозвішчам Давыдаў.

Біяграфія

Скончыў у 1954 годзе студыю класічнага танца пры Ленінградскім Палацы культуры імя М. Горкага^[ru]. У 1956—1972 гадах саліст Дзяржаўнага тэатра оперы і балета Беларусі, адначасова ў 1956—1967 педагог Беларускае харэаграфічнае вучылішча.

Творчасць

Характэрныя рысы выканальніцкай манеры Давыдаў — высакароднасць і чысціня пластычнай формы, пачуццё стылю, эмацыянальная насычанасць танца. Сярод партый: Мікалай («Мара» Я. Глебава), Андрэй («Падстаўная нявеста» Г. Вагнера), Алесь («Святло і цені» Г. Вагнера), Спартак, Гармодый («Спартак^[ru]» А. Хачатурана), Прынц, Рамэа («Папялушка» і «Рамэа і Джульета» С. Пракоф’ева), Зігфрыд, Дэзірэ («Лебядзінае возера», «Спячая прыгажуня» П. Чайкоўскага), Франц («Блакітны Дунай» І. Штрауса), Ваалаў («Бахчысарайскі фантан^[ru]» Б. Асаф’ева), Базыль («Дон Кіхот» Л. Мінкуса), Юнак («Шапэніяна^[ru]» на музыку Ф. Шапэна), Феб («Эсмеральда^[ru]» Ц. Пуні), Альберт («Жызэль^[ru]» А. Адана).

Літаратура

• А. І. Калядэнка. Давыдаў Валянцін Канстанцінавіч // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2012. — Т. 3. — 688 с. — 3 000 экз. — ISBN 978-985-11-0662-8.

Спасылкі

• Валянцін Канстанцінавіч Давыдаў на сайце анлайн-энцыклапедыі «Беларусь у асобах і падзеях»