Валянцін Мікалаевіч Русак

У Вікіпедыі ёсць артыкулы пра іншых людзей з прозвішчам Русак.

Валянцін Мікалаевіч Руса́к^[1] (10 жніўня 1936 — 27 жніўня 2022) — беларускі вучоны, матэматык, доктар фізіка-матэматычных навук (1988), прафесар (1989).

Валянцін Мікалаевіч Русак
Дата нараджэння	10 жніўня 1936(1936-08-10)
Месца нараджэння	Затур’я, Юшавіцкі сельсавет, Нясвіжскі раён, Беларусь
Дата смерці	27 жніўня 2022(2022-08-27) (86 гадоў)
Месца смерці	Мінск, Беларусь
Месца пахавання	Заходнія могілкі (Мінск)
Грамадзянства	СССР  Беларусь
Род дзейнасці	навуковец
Навуковая сфера	матэматыка
Месца працы	БДУ
Навуковая ступень	доктар фізіка-матэматычных навук (1988)
Навуковае званне	прафесар
Альма-матар	матэматычны факультэт БДУ
Узнагароды

Біяграфія

Нарадзіўся 10 жніўня 1936 года ў вёсцы Затур’я (цяпер — Нясвіжскі раён Мінскай вобласці).

У 1959 годзе з адзнакай скончыў механіка-матэматычны факультэт Беларускага дзяржаўнага ўніверсітэта па спецыяльнасці «Матэматыка», а пазней скончыў аспірантуру пры кафедры вылічальнай матэматыкі^[2]. З 1962 года ў Беларускім дзяржаўным універсітэце, выкладаў на кафедры вышэйшай матэматыкі і матэматычнай фізікі фізічнага факультэта. З 1976 па 2002 год займаў пасаду загадчыка гэтай кафедры^[2], з 2002 года — прафесар^[3].

Кандыдацкую дысертацыю абараніў у 1963 годзе ў Інстытуце матэматыкі Акадэміі навук БССР, доктарскую — у 1988 годзе ў Інстытуце матэматыкі Акадэміі навук Украінскай ССР^[2].

Памёр 27 жніўня 2022 года^[4]. Пахаваны ў Мінску на Заходніх могілках.

Навуковая дзейнасць

Аўтар больш за 180 навуковых прац па матэматычным аналізе, вылічальнай матэматыцы, матэматычнай фізіцы і інш. Аўтар падручнікаў і вучэбных дапаможнікаў^[2]. Пад навуковым кіраўніцтвам В. М. Русака падрыхтаваны і абаронены 9 кандыдацкіх і 3 доктарскія дысертацыі^[2][3].

Узнагароды

• Знак «За выдатныя поспехі ў працы» Міністэрства вышэйшай адукацыі СССР (1982).
• Медаль «Ветэран працы» (1996).
• Знак «Выдатнік адукацыі» Міністэрства адукацыі Рэспублікі Беларусь (2002).
• Заслужаны работнік Беларускага дзяржаўнага ўніверсітэта (2011)^[2].

Зноскі

1. БелЭн 2001.
2. Валентин Николаевич РУСАК // Вестник БГУ. Сер. 1. 2016. № 3 Архівавана 21 красавіка 2018. (руск.)
3. Русак Валентин Николаевич Архівавана 7 сакавіка 2021. (руск.) // Сайт БДУ
4. Памяти Валентина Николаевича Русака (10.08.1936–27.08.2022) (нявызн.)(недаступная спасылка). Архівавана з першакрыніцы 29 жніўня 2022. Праверана 30 жніўня 2022.