Валянцін Сяргеевіч Белахвосцік

У Вікіпедыі ёсць артыкулы пра іншых людзей з прозвішчам Белахвосцік.

Валянцін Сяргеевіч Белахвосцік (6 верасня 1934(1934-09-06), Багушэвічы, Бярэзінскі раён — 10 чэрвеня 2003(2003-06-10)) — беларускі акцёр. Народны артыст Беларусі (1994).

Валянцін Сяргеевіч Белахвосцік
Дата нараджэння	6 верасня 1934(1934-09-06)
Месца нараджэння	Багушэвічы, Багушэвіцкі сельсавет, Бярэзінскі раён, Беларуская ССР, СССР
Дата смерці	10 чэрвеня 2003(2003-06-10) (68 гадоў)
Грамадзянства	СССР  Беларусь
Жонка	Вольга Глебаўна Глебава[d]
Дзеці	Зоя Валянцінаўна Белахвосцік
Адукацыя	Расійскі інстытут тэатральнага мастацтва[d] (1965)
Прафесія	акцёр
Тэатр	Нацыянальны акадэмічны тэатр імя Янкі Купалы
Прэміі
Узнагароды	Народны артыст Беларусі (1994)
IMDb	ID 0069411

Біяграфія

Скончыў у 1958 годзе студыю Беларускага тэатра імя Я. Купалы, у 1965 годзе Дзяржаўны інстытут тэатральнага мастацтва ў Маскве. З 1958 года ў Нацыянальным тэатры імя Я. Купалы.

Творчасць

Яго мастацтва адметнае напоўненасцю і каларытнасцю вобразаў пры лаканізме вонкавых выразных сродкаў. Сярод роляў: Сымон («Раскіданае гняздо» Я. Купалы), Зуеў («Апошні шанц» В. Быкава), Каравай («Таблетку пад язык» А. Макаёнка), Дугін («Радавыя» А. Дударава), Бялугін («Жаніцьба Бялугіна» А. Астроўскага), Урыя Шэлі («Што той салдат, што гэты^[ru]» Б. Брэхта).

Здымаецца ў кіно: «Рудабельская рэспубліка», «На ростанях», «Воўчая зграя», «Чорная бяроза», «Трэцяга не дадзена» і інш.

Удзельнічае ў тэлевізійных («Па шчасце, па сонца» паводле твораў Я. Купалы і інш.) і радыёпастаноўках (за ролі ў спектаклях «Хамуціус» паводле А. Куляшова і «Рыбакова хата» паводле Я. Коласа; Дзяржаўная прэмія БССР 1989).

Сям’я

У шлюбе з канцэртмайстрам Вольгай Глебаўнай Глебавай, дачкой Глеба Глебава, меў дзвюх дачок — Зою і Надзею^[1].