Аляксандр Мікалаевіч Астроўскі

Аляксандр Мікалаевіч Астроўскі (12 красавіка 1823, Масква — 14 чэрвеня 1886) — рускі празаік , драматург і тэатральны дзеяч. Член-карэспандэнт Пецярбургскай АН (1863).

Аляксандр Мікалаевіч Астроўскі
Асабістыя звесткі
Дата нараджэння	31 сакавіка (12 красавіка) 1823[1][2][…]
Месца нараджэння	Масква, Маскоўская губерня, Расійская імперыя[1][3][…]
Дата смерці	2 (14) чэрвеня 1886[1] (63 гады)
Месца смерці	Шчалыкава[d], Кастрамская губерня, Расійская імперыя[1]
Пахаванне	Кастрамская вобласць
Грамадзянства	Расійская імперыя
Альма-матар	1-ая Маскоўская гімназія[d] юрыдычны факультэт МДУ[d]
Месца працы	Пецярбургская акадэмія навук
Прафесійная дзейнасць
Род дзейнасці	перакладчык, лібрэтыст, драматург, журналіст, пісьменнік, тэатральны рэжысёр
Жанр	камедыя
Мова твораў	руская
Грамадская дзейнасць
Член у	Пецярбургская акадэмія навук
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Астроўскі.

Біяграфія і творчасць

Вучыўся ў Маскоўскім універсітэце (1840—1843). Служыў у маскоўскіх судах (1843—1850). Літаратурную дзейнасць пачаў у 1847 годзе. Першая камедыя «Свае людзі — паладзім» (1850) пра побыт і жыццё купецтва. Супрацоўнічаў з часопісамі «Москвитянин», «Современник», «Отечественные записки». На пачатку 1850-х гадоў зблізіўся са славянафіламі. Пад іх уплывам стварыў сямейна-бытавыя п’есы «Не ў свае сані не садзіся» (1853), «Беднасць не загана» (1854), «Не так жыві, як хочацца» (1855), у якіх ідэалізаваў купецкі побыт і патрыярхальнасць.

Новы этап у яго творчасці звязаны з грамадскім уздымам 1850—1860-х гадоў, калі талент Астроўскага ідэйна і эстэтычна аформіўся ў рэчышчы натуральнай школы. У п’есах «З чужога шалу галава кружыцца» (1856), «Даходнае месца» (1857), «Выхаванка» (1859) паказаў «цёмна царства» рускага жыцця. У трагедыі «Навальніца» (пастаноўка 1859, выдадзена 1860) выкрывае грамадскія адносіны, заснаваныя на самавольстве і дэспатызме. У гістарычных хроніках «Казьма Захаравіч Мінін-Сухарук» (1862), «Дзмітрый Самазванец і Васіль Шуйскі» (1867) паказаў патрыятызм рускіх.

Драматургіі Астроўскага ўласцівы глыбіня і шырыня праблематыкі, смелае выкрыццё сацыяльнага зла, дынамізм дзеяння, разнастайнасць характараў, выразнасць мовы. Астроўскі творча ўспрыняў і развіў лепшыя традыцыі рускай і сусветнай драматургіі, стварыў рускі нацыянальны рэпертуар. З яго імем звязаны росквіт Малога тэатра, які называюць «Домам Астроўскага».

Зноскі

1. Проф. Б. В. Варнеке Островский, Александр Николаевич // Русский биографический словарь / под ред. А. А. Половцов — СПб.: 1905. — Т. 12. — С. 425–448.

   <a href='https://wikidata.org/wiki/Track:Q1960551'></a><a href='https://wikidata.org/wiki/Track:Q1963546'></a><a href='https://wikidata.org/wiki/Track:Q21175483'></a><a href='https://wikidata.org/wiki/Track:Q2911049'></a><a href='https://wikidata.org/wiki/Track:Q24049633'></a>
2. Ostrovskiy, Alexander Nikolaivich // Encyclopædia Britannica: a dictionary of arts, sciences, literature and general information / H. Chisholm — 11 — New York, Cambridge, England: University Press, 1911. — Vol. 20. — P. 362–363.

   <a href='https://wikidata.org/wiki/Track:Q867541'></a><a href='https://wikidata.org/wiki/Track:Q5607942'></a><a href='https://wikidata.org/wiki/Track:Q63596608'></a>
3. Островский Александр Николаевич // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 28 верасня 2015.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>