Вастралодачнік валасісты

Вастралодачнік валасісты, Вастралодка валасістая^[1] (Oxytropis pilosa) — травяністая расліна сямейства бабовых.

Вастралодачнік валасісты
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Бабовакветныя Сямейства:  Бабовыя Падсямейства:  Матыльковыя Трыба:  Galegeae Падтрыба:  Astragalinae Род:  Вастралодачнік Від:  Вастралодачнік валасісты
Міжнародная навуковая назва
Oxytropis pilosa (L.) DC., 1802
Сістэматыка на Віківідах Выявы на Вікісховішчы NCBI   83865 EOL   704078 IPNI   511774-1 TPL   ild-8986

Апісанне

Шматгадовая травяністая расліна, густа пакрытая мяккімі валаскамі. Сцябло ўзыходнае, вышынёй да 40 см. Лісце няпарна-перыстае. Пазушныя кветаносы нясуць гронка-галоўчатыя суквецці, якія складаюцца з 10-20 кветак; пялёсткі светла-жоўтыя. Плод — прамастойны касматы струк.

Арэал

Еўрасібірскі лесастэпавы рэліктавы від з дыз’юнктыўным арэалам. Пашырэнне: Балканскі паўвостраў, Каўказ, Сярэдняя і Усходняя Еўропа, Малая Азія, Манголія, Сібір. Знаходзіцца ў Беларусі ў крайніх усходніх пунктах росту прыбалтыйскага фрагмента арэала, трапляецца ў сухіх хвойніках, на астэпаваных схілах адзіночнымі экземплярамі і невялікімі групамі.

Асаблівасці біялогіі

Цвіце ў чэрвені-ліпені, пладаносіць у ліпені-жніўні. Размнажэнне насеннае.

Выкарыстанне

Дэкаратыўная і кармавая расліна.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 92. — 160 с. — 2 350 экз.