Васіль Апанасавіч Равяка

У Вікіпедыі ёсць артыкулы пра іншых людзей з прозвішчам Равяка.

Васіль Апанасавіч Равяка (15 ліпеня 1948(1948-07-15), Рабец, Палеская вобласць — 1 ліпеня 2024(2024-07-01)^[1]) — Герой Беларусі, Заслужаны работнік сельскай гаспадаркі Рэспублікі Беларусь, кандыдат сельскагаспадарчых навук.

Васіль Апанасавіч Равяка
Дата нараджэння	15 ліпеня 1948(1948-07-15)
Месца нараджэння	Рабец, Алексіцкі сельсавет, Хойніцкі раён, Палеская вобласць, Беларуская ССР, СССР
Дата смерці	1 ліпеня 2024(2024-07-01) (75 гадоў)
Грамадзянства	СССР  Беларусь
Альма-матар	біятэхналагічны факультэт ГДАУ
Узнагароды і прэміі

Біяграфія

Скончыў Рэчыцкі дзяржаўны аграрны каледж, затым — Гродзенскі сельскагаспадарчы інстытут^[2] (спецыяльнасць — навуковец-заатэхнік); Акадэмію грамадскіх навук пры ЦК КПСС (спецыяльнасць — палітолаг, выкладчык сацыяльна-палітычных дысцыплін).

Працоўную дзейнасць пачаў заатэхнікам-селекцыянерам калгасу «Заазер’е» Акцябрскага раёна Гомельскай вобласці. Служыў у шэрагах Узброеных Сіл. Працаваў загадчыкам цэха жывёлагадоўлі, намеснікам старшыні калгаса «Прагрэс» Гродзенскага раёна, інструктарам арганізацыйнага аддзела Гродзенскага абкама КПБ, першым сакратаром Мастоўскага райкама КПБ.

З 1995 года — старшыня сельскагаспадарчага вытворчага кааператыва «Прагрэс-Верцялішкі» Гродзенскага раёна^[3].

Дэпутат Гродзенскага абласнога Савета дэпутатаў дваццаць шостага склікання, член пастаяннай камісіі па аграрных пытаннях і ахове навакольнага асяроддзя^[4]. Член Савета Рэспублікі Нацыянальнага сходу Рэспублікі Беларусь 4-га склікання, член Пастаяннай камісіі па міжнародных справах і нацыянальнай бяспецы^[5].

Памёр 1 ліпеня 2024 года на 76-м годзе жыцця^[6].

Узнагароды

• Медаль Героя Беларусі (2006) — за выключныя заслугі ў сацыяльна-эканамічным развіцці Рэспублікі Беларусь^[7];
• Ордэн «Знак Пашаны»;
• Медаль «За працоўныя заслугі»;
• Юбілейны медаль «65 гадоў Перамогі ў Вялікай Айчыннай вайне 1941—1945 гг.»;
• Юбілейны медаль «60 год вызвалення Рэспублікі Беларусь ад нямецка-фашысцкіх захопнікаў»;
• Юбілейны медаль «65 год вызвалення Рэспублікі Беларусь ад нямецка-фашысцкіх захопнікаў»;
• Ганаровая грамата Савета Міністраў Рэспублікі Беларусь (20 ліпеня 1998) — за шматгадовую і плённую працу ў сельскай гаспадарцы, дасягненне высокіх вытворчых паказчыкаў і ў сувязі з 50-годдзем з дня нараджэння^[8];
• Ганаровая грамата Нацыянальнага сходу Рэспублікі Беларусь;
• Заслужаны работнік сельскай гаспадаркі Рэспублікі Беларусь.

Заслугі

• Ганаровы грамадзянін горада Хойнікі (2008);
• Імя В. А. Равякі на Алеі ганаровых грамадзян Хойніцкага раёна ў Хойніках (Гомельская вобласць)^[9];
• Адна з экспазіцый у музеі баявой і працоўнай славы Рэчыцкага аграрнага каледжа прысвечана В. А. Равяку, які скончыў гэту навучальную ўстанову^[10].