Васіль Васілевіч Кандрасюк

Васіль Васілевіч Кандрасюк (10 студзеня 1954, Брэст — 13 чэрвеня 2013) — беларускі кампазітар, лаўрэат прэміі Прэзідэнта РБ «За духоўнае адраджэнне» (2005).

Васіль Васілевіч Кандрасюк
Дата нараджэння	10 студзеня 1954(1954-01-10)
Месца нараджэння	Брэст, Брэсцкая вобласць, Беларуская ССР, СССР
Дата смерці	13 чэрвеня 2013(2013-06-13) (59 гадоў)
Краіна	Беларусь
Альма-матар	Сярэдняя спецыяльная музычная школа пры Беларускай дзяржаўнай кансерваторыі імя А. В. Луначарскага (1970-я) Маскоўская дзяржаўная кансерваторыя імя П. І. Чайкоўскага (1979)
Месца працы	Брэсцкі акадэмічны тэатр драмы імя Ленінскага камсамола Беларусі
Музычная дзейнасць
Прафесіі	кампазітар
Прэміі	Прэмія «За духоўнае адраджэнне»
Узнагароды	Прэмія «За духоўнае адраджэнне»

Біяграфія

У чатырнаццаць год прыняты ў спецыяльную школу пры Мінскай кансерваторыі, потым паступіў на тэарэтычнае аддзяленне Маскоўскай дзяржаўнай кансерваторыі імя П. І. Чайкоўскага, якую скончыў ў 1979 годзе. У 1983 годзе — асістэнтуру-стажыроўку пры кансерваторыі.

З 1983 года працаваў загадчыкам музычнай часткі Брэсцкага акадэмічнага тэатра драмы. У 1980-я напісаў музыку да спектакляў «Дзень цудоўных падманаў», «Дон Сезар дэ Базан» і інш.

Важнае месца у творчасці В. Кандрасюка займаў песенны жанр. Найбольшай папулярнасцю карыстаюцца песні «Край мой крынічны», «Села сонца за клёнамі», «Новы год». Да 60-годдзя Вялікай Перамогі напісаў: «Эпитафия героям Брестской крепости» для сімфанічнага аркестра і цыкл песняў «Память войны», вакальныя сачыненні «А где-то живет надежда в вышине», «Молитва», «Ангел-заступник», «Удивляйтесь, люди!». Напісаў музыку да Гімна горада Брэста (2007).

Узнагароды

• пераможца конкурсу Міністэрства культуры Рэспублікі Беларусь на стварэнне лепшай песні пра Беларусь (песня «Край мой крынічны»),
• лаўрэат прэміі «Берасцейская зорка — 1998»,
• лаўрэат ІІ Нацыянальнага кінафестывалю за музыку да фільма «Желание жить» (1999),
• лаўрэат спецыяльнай прэміі Прэзідэнта Рэспублікі Беларусь «За духоўнае адраджэнне» (2005).

Зноскі