Васіль Паўлавіч Юбкін

Васіль Паўлавіч Ю́бкін (1 студзеня 1920 — 3 лютага 1968) — удзельнік Вялікай Айчыннай вайны, камандзір танка, лейтэнант. Герой Савецкага Саюза (1945). Кандыдат гістарычных навук (1962).

Васіль Паўлавіч Юбкін
Дата нараджэння	1 студзеня 1920(1920-01-01)
Месца нараджэння	Апалоніўка[d], Екацярынаслаўскі павет[d], Кацярынаслаўская губерня, УССР
Дата смерці	3 верасня 1968(1968-09-03) (48 гадоў)
Месца смерці	Днепрапятроўск, Днепрапятроўская вобласць, УССР, СССР
Альма-матар	Дніпроўскі нацыянальны ўніверсітэт імя Алеся Ганчара (1951)
Месца працы	Дніпроўскі нацыянальны ўніверсітэт імя Алеся Ганчара
Прыналежнасць	СССР
Род войскаў	танкавыя войскі
Гады службы	1939—1947
Званне	лейтэнант
Бітвы/войны	Вялікая Айчынная вайна
Узнагароды і званні	медалі

У Вікіпедыі ёсць артыкулы пра іншых людзей з прозвішчам Юбкін.

Біяграфія

В. П. Юбкін нарадзіўся ў сяле Апалонаўка Екацярынаслаўскай губерні (зараз у Саланянскім раёне Днепрапятроўскай вобласці Украіны). Вучыўся ў Днепрапятроўскім універсітэце. У Чырвонай Арміі з 1939 года. Падчас Вялікай Айчыннай вайны з ліпеня 1941 г. удзельнік баявых дзеянняў на Паўднёва-Заходнім і 1-м Беларускім франтах. Удзельнік баявых дзеянняў у раёне Луцка, Роўна, Жытоміра, абароны Кіева і Днепрапятроўска, баях за Варашылаўград і Палтаву. У 1944 годзе скончыў Чырчыкскае (Харкаўскае^[1]) танкавае вучылішча.

Камандзір танка 17-й гвардзейскай танкавай брыгады (1-ы гвардзейскі танкавы корпус, 65-я армія, 1-ы Беларускі фронт) гвардыі малодшы лейтэнант В. П. Юбкін вызначыўся ў пачатку верасня 1944 г. ў баях на тэрыторыі Польшчы. Экіпаж танка пад камандаваннем В. Юбкіна ў жосткіх баях на подступах да Варшавы неаднаразова адбіваў контраатакі, знішчыў 7 гармат і некалькі дзотаў праціўніка, забяспечыўшы паспяховае наступленне батальёна.

Пасля звальнення з арміі ў 1947 годзе В. П. Юбкін прадоўжыў вучобу ва ўніверсітэце і скончыў яго з адзнакай у 1951 годзе. Пасля навучання на курсах выкладчыкаў грамадскіх навук пры ЦК КПСС працаваў выкладчыкам у Днепрапятроўскім універсітэце (з 1965 г. — дацэнт). У 1962 годзе абараніў кандыдацкую дысертацыю.

Памёр В. П. Юбкін 2 лютага 1968 г. Пахаваны на Алеі Герояў Запарожскіх могілак у Днепрапятроўску.

Узнагароды

• Медаль «Залатая Зорка»
• Ордэн Леніна
• Ордэн Чырвонай Зоркі
• Медаль «За адвагу»
• медалі

Памяць

• Імем Героя названа адна з вуліц у сяле Апалонаўка
• Мемарыяльная дошка на сцяне вучэбнага корпуса Днепрапятроўскага нацыянальнага ўніверсітэта.
• Днепрпятроўскім нацыянальным універсітэтам штогод праводзіцца лёгкаатлетычны крос памяці В. П. Юбкіна^[2].

Зноскі

1. Васіль Паўлавіч Юбкін на сайце «Героі краіны»
2. Преодолевая дистанции(недаступная спасылка) (руск.)