Васіль Уладзіміравіч Івашын

Васіль Уладзіміравіч Іва́шын^[3] (9 мая 1913, в. Ляхавічы, Койданаўская воласць, Мінскі павет, Мінская губерня, Расійская імперыя — 6 лістапада 2009) — літаратуразнавец, педагог. Акадэмік Акадэміі педагагічных навук СССР (1967), доктар філалагічных навук (1965), прафесар (1973). Замежны член Расійскай акадэміі адукацыі (1999)^[4]. Удзельнік Вялікай Айчыннай вайны.

Васіль Уладзіміравіч Івашын
Дата нараджэння	9 мая 1913(1913-05-09)[1]
Месца нараджэння	Ляхавічы, Койданаўская воласць, Мінскі павет, Мінская губерня, Расійская імперыя
Дата смерці	6 лістапада 2009(2009-11-06)[1] (96 гадоў)
Грамадзянства	СССР  Беларусь
Род дзейнасці	педагог, літаратуразнавец, выкладчык універсітэта
Навуковая сфера	літаратуразнаўства, беларуская літаратура[2] і subject didactics[d][2]
Месца працы	Інстытут літаратуразнаўства НАНБ Нацыянальны інстытут адукацыі
Навуковая ступень	доктар філалагічных навук (1965)
Навуковае званне	прафесар
Альма-матар	БДПУ
Узнагароды

У Вікіпедыі ёсць артыкулы пра іншых людзей з прозвішчам Івашын.

Біяграфія

Скончыў Мінскі педагагічны інстытут у 1938 годзе. У 1938—1941 гадах выкладчык Віцебскага педагагічнага вучылішча. З 1946 года ў Інстытуце літаратуры АН БССР, у 1967—1978 гадах — дырэктар НДІ педагогікі Міністэрства адукацыі БССР (Нацыянальны інстытут адукацыі). З 1978 года старшы навуковы супрацоўнік, з 1995 па 2007 год — галоўны навуковы супрацоўніка Нацыянальнага інстытута адукацыі^[4].

Навуковая дзейнасць

Аўтар навуковых прац па пытаннях тэорыі і гісторыі беларускай літаратуры, літаратурных сувязей, метадалогіі і методыкі выкладання літаратуры ў школе. Аўтар падручніка па беларускай літаратуры для 8—9 класаў^[3].

Узнагароды

• ордэн Працоўнага Чырвонага Сцяга (1976),
• ордэн Айчыннай вайны 2 ступені (1985),
• медалі, ганаровыя граматы^[4].

Творы

• Янка Купала — вялікі народны паэт. — Мінск. 1952.
• Янка Купала. Творчасць перыяду рэвалюцыі 1905—1907 гг. — Мінск. 1953.
• Рэвалюцыя 1905—1907 гг. і развіццё беларускай літаратуры. — Мінск. 1955.
• М. Горький и белорусская литература начала XX ст. Минск. 1956.
• У истоков социалистического реализма. — Минск. 1963
• Да вышынь рэалізму. Асноўныя тэндэнцыі развіцця беларускай дакастрычніцкай і савецкай літаратуры. — Мінск. 1983.
• Выверанае жыццём. Творчая індывідуальнасць пісьменніка — народнасць і партыйнасць літаратуры. — Мінск. 1988.

Зноскі

1. Педагоги и психологи мира — 2012.

   <a href='https://wikidata.org/wiki/Track:Q126722605'></a>
2. Národní autority České republiky Праверана 19 красавіка 2024.

   <a href='https://wikidata.org/wiki/Track:Q13550863'></a>
3. Беларусь 1995.
4. Івашын Васіль Уладзіміравіч на сайце анлайн-энцыклапедыі «Беларусь у асобах і падзеях»