Васіль Феадосьевіч Сербін

Васіль Феадосьевіч Се́рбін^[1] (24 лютага 1918 — 2002) — дырыжор і хормайстар, Заслужаны артыст БССР (1954), Заслужаны дзеяч мастацтваў БССР (1961), Народны артыст РСФСР (1970).

Васіль Феадосьевіч Сербін
Дата нараджэння	24 лютага 1918(1918-02-24)
Месца нараджэння	Харкаў, Харкаўскі павет[d], Харкаўская губерня, Украінская Народная Рэспубліка
Дата смерці	2002
Краіна	СССР  Беларусь
Альма-матар	Харкаўскі нацыянальны ўніверсітэт мастацтваў імя І. П. Катлярэўскага
Месца працы	Беларуская дзяржаўная філармонія
Музычная дзейнасць
Прафесіі	музыкант, дырыжор, хормайстар, кампазітар
Грамадская дзейнасць
Член у	БСТД
Узнагароды

У Вікіпедыі ёсць артыкулы пра іншых людзей з прозвішчам Сербін.

Біяграфія

Нарадзіўся ў Харкаве. У 1941 годзе скончыў Харкаўскую кансерваторыю. Удзельнік Вялікай Айчыннай вайны. З 1945 года мастацкі кіраўнік і галоўны дырыжор ансамбляў песні і танца Уральскай ваеннай акругі, Паўднёвай групы войскаў, Беларускай ваеннай акругі, Групы савецкіх войскаў у Германіі. З 1973 года В. Ф. Сербін у Беларускай дзяржаўнай філармоніі, мастацкі кіраўнік, з 1983 года дырыжор бюро спецыяльных мерапрыемстваў.

Член Беларускага саюза тэатральных дзеячаў з 1974 года.

Творчасць

Аўтар песень «Да спаткання, сталіца», «У Беларусі мы служым», «Марш мінскіх сувораўцаў» і іншых на вершы А. Астрэйкі, А. Бачылы, П. Броўкі, М. Танка, П. Харкова, М. Ясенія, апрацовак рускіх і беларускіх народных песень для мужчынскага хору.

Узнагароды і званні

• Ордэн Чырвонай Зоркі^[2]
• Ордэн «Знак Пашаны»^[2]
• Медаль «За баявыя заслугі»^[2]
• Медаль «За перамогу над Германіяй у Вялікай Айчыннай вайне 1941—1945 гг.»
• Заслужаны артыст БССР (1954)
• Заслужаны дзеяч мастацтваў БССР (1961)
• Народны артыст РСФСР (1970)
• Дзяржаўная прэмія мастацтваў ГДР (1968, 1972)^[3]

Зноскі

1. БелЭн 2002.
2. Музейный комплекс «Дорога памяти» Архівавана 28 лістапада 2021. (руск.)
3. Сербін Васіль Феадосьевіч на сайце анлайн-энцыклапедыі «Беларусь у асобах і падзеях»