Васіль Аляксандравіч Шырко

Васіль Шырко (нар. 31 жніўня 1948, Чурылава, Уздзенскі раён, Мінская вобласць) — беларускі пісьменнік, сцэнарыст.

Васіль Аляксандравіч Шырко
Асабістыя звесткі
Дата нараджэння	31 жніўня 1948(1948-08-31) (76 гадоў)
Месца нараджэння	Чурылава, Уздзенскі раён, Мінская вобласць, Беларуская ССР, СССР
Грамадзянства	Беларусь
Альма-матар	факультэт журналістыкі БДУ
Месца працы	Сельская газета Дзяржкамітэт БССР па тэлебачанні і радыёвяшчанні Полымя
Прафесійная дзейнасць
Род дзейнасці	пісьменнік, журналіст
Мова твораў	беларуская
Грамадская дзейнасць
Член у	Саюз пісьменнікаў Беларусі
Прэміі	Залаты купідон (2007)
Узнагароды	Ганаровая грамата Савета Міністраў Рэспублікі Беларусь Ганаровая грамата Адміністрацыі Прэзідэнта Рэспублікі Беларусь[d]

Біяграфія

Нарадзіўся ў сялянскай сям’і. Скончыў факультэт журналістыкі Беларускага дзяржаўнага ўніверсітэта (1972). Служыў у савецкай Арміі (1972—1973). У 1973—1978 гг. працаваў карэспандэнтам «Сельской газеты», у 1973—1986 гг. — рэдактар, загадчык аддзела галоўнай рэдакцыі літаратурна-драматычных праграм Беларускага тэлебачання. У 1986-? гг. — рэдактар аддзела нарыса часопіса «Полымя».

У 2013 годзе — галоўны рэдактар літаратурна-мастацкага часопіса Саюза пісьменнікаў Саюзнай дзяржавы «Белая вежа»^[1].

У 2018 годзе — член праўлення Саюза пісьменнікаў Беларусі.

Творчасць

Першыя падборкі вершаў надрукаваў у 1968 г. (часопіс «Маладосць», газета «Чырвоная змена»). Выйшлі кнігі «Зямлі бацькоўскай прыцягненне» (нарысы, 1987), «Сцяжына да людзей» (дакументальныя аповесці, нарысы, 1989). У 1990 г. выйшла кніга казак «Дзед Манюкін не салжэ». Аўтар інсцэніровак паводле твораў М.Гарэцкага, Н.Гілевіча (1987), сцэнарыя дакументальнага фільма «Песня пшанічнага поля» (1984).

Узнагароды

• Лаўрэат Дзяржаўнай прэміі Рэспублікі Беларусь у галіне літаратуры, мастацтва і архітэктуры (1998) — за цыкл публіцыстычных артыкулаў «Беларусь. Час i людзi ў роздуме журналiстаў»
• Лаўрэат літаратурнай прэміі «Залаты Купідон» (2007)
• ганаровая грамата Вярхоўнага Савета БССР
• грамата Савета міністраў Рэспублікі Беларусь
• грамата Адміністрацыі прэзідэнта Рэспублікі Беларусь
• Падзяка Прэзідэнта Рэспублікі Беларусь (2018)^[2]

Зноскі

1. Нашы юбіляры. Васіль Шырко, пісьменнік Уздзеншчыны, рэдактар часопіса «Белая Вежа»(недаступная спасылка), Музеи Беларуси
2. Члену праўлення «Саюза пісьменнікаў Беларусі» Васілю Шырко аб’яўлена Падзяка прэзідэнта Архівавана 22 студзеня 2021.