Вацлаў Пупка

У Вікіпедыі ёсць артыкулы пра іншых людзей з прозвішчам Пупка.

Вацлаў Пупка (1879, Івянец — пасля 1925) — беларускі грамадскі дзеяч.

Вацлаў Пупка
Род дзейнасці	грамадскі дзеяч
Дата нараджэння	1879
Месца нараджэння	Івянец, Мінскі павет, Мінская губерня, Расійская імперыя
Дата смерці	1935
Месца смерці	мерк. Івянец, Беларусь
Месца пахавання	мерк. Івянец
Член у	Часовы беларускі нацыянальны камітэт Краёвая сувязь[d]

Біяграфія

Нарадзіўся ў 1879 годзе ў Івянцы. У 1913—1914 служыў у мінскім акруговым судзе. У 1914—1920 гадах працаваў старэйшым рэферэнтам у Мінскім магістраце. У 1920 — ліквідатарам ва Управе па справах ліквідацыі былых зямельных банкаў у Мінскай акрузе.

У 1919—1920 быў сябрам Часовага беларускага нацыянальнага камітэта ў Мінску.

У другой палове 1920-га служыў у польскім войску як добраахвотнік. У 1921 годзе працаваў у Дэпартаменце аправізацыі Часовай урадавай камісіі Сярэдняй Літвы, загадваў складам. Удзельнічаў у працы беларускіх паланафільскіх арганізацыях, быў афіцыйным старшынёй «Краёвай сувязі».

У ліпені 2024 года на каталіцкім могілках у Івянцы адшукана надмагілле, якое, імаверна, належыць Пупку. Паводле надпісу на ім Вацлаў Пупка памёр у 1935 годзе^[1].

Надмагілле на імаверным пахаванні Вацлава Пупкі, каталіцкія могілкі ў Івянцы.