Ваўкавіцкі сельсавет

Ваўкаві́цкі сельсавет — адміністрацыйна-тэрытарыяльная адзінка ў складзе Чавускага раёна Магілёўскай вобласці Беларусі. Цэнтр — аграгарадок (да 2008 года вёска) Ваўкавічы.

Ваўкавіцкі сельсавет
Краіна	Беларусь
Уваходзіць у	Чавускі раён
Уключае	16 населеных пунктаў
Адміністрацыйны цэнтр	Ваўкавічы
Дата ўтварэння	20 жніўня 1924, 16 мая 1960
Дата скасавання	16 ліпеня 1954
Насельніцтва (2019)	1 232
Часавы пояс	UTC+03:00
Код аўтам. нумароў	6
Афіцыйны сайт

Утвораны 20 жніўня 1924 года ў складзе Чавускага раёна Магілёўскай акругі БССР. Пасля скасавання акруговай сістэмы 26 ліпеня 1930 года ў Чавускім раёне БССР, з 20 лютага 1938 года — Магілёўскай вобласці. 16 ліпеня 1954 года скасаваны, тэрыторыя далучана да Усушкаўскага сельсавета^[1].

16 мая 1960 года да Усушкаўскага сельсавета далучана тэрыторыя скасаванага Хацкавіцкага сельсавета, цэнтр сельсавета перанесены ў вёску Ваўкавічы, а сельсавет перайменаваны ў Ваўкавіцкі, у склад Гарбавіцкага сельсавета перададзены 11 населеных пунктаў (Бахацец, Забавы, Зялёная Рошча, Мітаўё, Смолка, Сталка, Усушак, Хамянкі, Хацкавічы I, Хацкавічы II і Юшкавічы)^[2]. 26 сакавіка 1987 года ў склад сельсавета з Гарбавіцкага сельсавета вернута вёска Смолка^[3], 23 снежня 2009 года — вёскі Бахацец і Хацкавічы^[4].

Насельніцтва сельсавета паводле перапісу 2009 года (14 населеных пунктаў) — 1218 чалавек^[5], з іх 93,8 % — беларусы, 3,8 % — рускія, 0,8 % — украінцы, 0,5 % — армяне^[6]; паводле перапісу 2019 года (16 населеных пунктаў) — 1232 чалавекі^[7].

Зноскі

1. Указ Президиума Верховного Совета БССР от 16 июля 1954 г. Об объединении сельских советов Могилевской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
2. Рашэнне выканкома Магілёўскага абласнога Савета дэпутатаў працоўных ад 16 мая 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 13.
3. Рашэнне выканкома Магілёўскага абласнога Савета народных дэпутатаў ад 26 сакавіка 1987 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1987, № 23 (1901).
4. Решение Могилевского областного Совета депутатов от 23 декабря 2009 г. № 17-16 Об изменении административно-территориального устройства некоторых административно-территориальных единиц Могилевской области
5. Насельніцтва населеных пунктаў Магілёўскай вобласці Беларусі паводле перапісу 2009 года
6. Этнічны склад насельніцтва сельсаветаў Беларусі паводле перапісу 2009 года
7. Насельніцтва населеных пунктаў Магілёўскай вобласці Беларусі паводле перапісу 2019 года