Ведзьма (рака)

Ведзьма, Вядзьмянка — рака ў Нясвіжскім і Ляхавіцкім раёнах Беларусі, левы прыток ракі Шчара (басейн Нёмана).

Ведзьма
Характарыстыка
Даўжыня	35 км
Басейн	267 км²
Расход вады	1,6 м³/с (у вусці)
Вадацёк
Выток
• Месцазнаходжанне	каля вёскі Слабада
• Каардынаты	53°11′49,10″ пн. ш. 26°19′56″ у. д.HGЯO
Вусце	Шчара
• Месцазнаходжанне	на паўночны ўсход ад вёскі Задвор’е
• Каардынаты	53°00′48,50″ пн. ш. 26°13′30,80″ у. д.HGЯO
Ухіл ракі	0,8 м/км
Размяшчэнне
Водная сістэма	Шчара → Нёман → Балтыйскае мора
Краіна	Беларусь
Рэгіёны	Мінская вобласць, Брэсцкая вобласць
Раёны	Нясвіжскі раён, Ляхавіцкі раён
— выток, — вусце

Асноўныя прытокі: Шавялёўка, Ардзянка.

Даўжыня ракі 35 (29^[1], 24^[2]) км. Сярэднегадавы расход вады ў вусці 1,6 м³/с. Сярэдні нахіл воднай паверхні 0,8 ‰. Пачынаецца за 500 м на поўнач ад вёскі Слабада Нясвіжскага раёна, упадае ў Шчару на паўночны ўсход ад вёскі Задвор’е. Даліна невыразная. Пойма двухбаковая, у сярэднім цячэнні забалочаная, яе шырыня 300—700 м. На працягу 18,9 км рэчышча каналізаванае: ад вытоку да вёскі Сваятычы (9,5 км) і ад вусця Шавялёўкі да горада Ляхавічы (9,4 км). Шырыня рэчышча ў межань 2—10 м. У пойме ракі меліярацыйныя каналы, каля вёскі Кавалі сажалка (плошчай 0,15 км²). Каля вёскі Сычы рака працякае праз сажалку (Сычоўскае возера).

Зноскі

1. Общая характеристика речной сети Минской области (в разрезе районов) // Справочник «Водные объекты Республики Беларусь» Архівавана 24 кастрычніка 2021. (руск.)
2. Республиканская комплексная схема размещения рыболовных угодий — Брестская область Архівавана 14 ліпеня 2014. (руск.)