Веніямін Аркадзевіч Космач

Веніямін Аркадзевіч Космач (нар. 1 кастрычніка 1959, в. Талуі, Маладзечанскі раён, Мінская вобласць) — беларускі гісторык. Доктар гістарычных навук (1995), прафесар (1998). Член-карэспандэнт Беларускай акадэміі адукацыі (1999).

Веніямін Аркадзевіч Космач
Дата нараджэння	1 кастрычніка 1959(1959-10-01) (65 гадоў)
Месца нараджэння	Талуі, Маркаўскі сельсавет, Маладзечанскі раён, Маладзечанская вобласць, Беларуская ССР, СССР
Грамадзянства	СССР  Беларусь
Род дзейнасці	навуковец, выкладчык універсітэта
Навуковая сфера	гісторык
Месца працы	Віцебскі дзяржаўны медыцынскі ўніверсітэт Віцебскі дзяржаўны ўніверсітэт імя П. М. Машэрава
Навуковая ступень	доктар гістарычных навук (1995)
Навуковае званне	прафесар (1998) член-карэспандэнт Беларускай акадэміі адукацыі[d]
Альма-матар	БДУ (1982)
Узнагароды	грамата Міністэрства адукацыі Рэспублікі Беларусь Грамата Патрыяршага экзарха ўсяе Беларусі[d]

У Вікіпедыі ёсць артыкулы пра іншых людзей з прозвішчам Космач.

Біяграфія

Нарадзіўся 1 кастрычніка 1959 года ў вёсцы Талуі Маладзечанскага раёна ў сялянскай сям’і Аркадзя Сцяпанавіча і Ніны Рыгораўны (у дзявоцтве Васюта) Космачаў. Брат гісторыка Генадзя Космача (1953-2016)^[1].

Скончыў Беларускі дзяржаўны ўніверсітэт (спецыяльнасць «Гісторыя», 1982; аспірантура, спецыяльнасць «Усеагульная гісторыя», 1985), Інстытут усеагульнай гісторыі РАН (дактарантура, 1995).

Навуковыя інтарэсы: гісторыя Германіі новага і найноўшага часу; гісторыя дзяржавы і права замежных краін; тэорыя і гісторыя культуры; гісторыя і культура Беларусі і Віцебска; гісторыя навукі і адукацыі; краіназнаўства і краязнаўства; гісторыя рэлігій.

Працаваў у Віцебскім дзяржаўным медыцынскім універсітэце ў 1985—1998 гадах, Віцебскім дзяржаўным універсітэце імя П. М. Машэрава (са жніўня 1998 года да 2009 года, гістарычны факультэт, кафедра ўсеагульнай гісторыі і сусветнай культуры, загадчык кафедры, у 2001—2009 гадах — дэкан факультэта).

Узнагароды

• Прэмія і дыпломам спецыяльнага фонду Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў (2002);
• Грамата Міністэрства адукацыі Рэспублікі Беларусь;
• Грамата Патрыяршага Экзарха ўсяе Беларусі (2005).

Зноскі

1. Молодечненская газета - Доктар гістарычных навук прафесар Веньямін Космач: «Матэрыялы пра свае родныя Талуі я збіраў дваццаць пяць гадоў»(нявызн.)(недаступная спасылка). mgazeta.by. Архівавана з першакрыніцы 3 лютага 2024. Праверана 3 лютага 2024.