Халмоўскі сельсавет (Аршанскі раён)

У паняцця ёсць і іншыя значэнні, гл. Халмоўскі сельсавет.

Халмо́ўскі сельсавет — былая адміністрацыйна-тэрытарыяльная адзінка ў складзе Аршанскага раёна Віцебскай вобласці. Цэнтр — вёска Халмы.

Халмоўскі сельсавет
Краіна	Беларуская ССР
Уваходзіў у	Аршанскі раён
Уключаў	6 населеных пунктаў
Адміністрацыйны цэнтр	Халмы
Дата ўтварэння	20 жніўня 1924
Дата скасавання	16 верасня 1960

Утвораны 20 жніўня 1924 года як Верацейскі сельсавет у складзе Дубровенскага раёна Аршанскай акругі БССР. Цэнтр — вёска Верацея. Пасля скасавання акруговай сістэмы 26 ліпеня 1930 года ў Дубровенскім раёне БССР, з 20 лютага 1938 года — Віцебскай вобласці. З 9 верасня 1946 года ў складзе Арэхаўскага раёна. 16 ліпеня 1954 года цэнтр сельсавета перанесены ў вёску Халмы, сельсавет перайменаваны ў Халмоўскі^[1]. З 17 снежня 1956 года сельсавет у складзе Дубровенскага раёна, з 8 красавіка 1957 года — Аршанскага раёна^[2]. 16 верасня 1960 года скасаваны, населеныя пункты перададзены ў адміністрацыйнае падпарадкаванне Арэхаўскага пассавета^[3].

На момант скасавання ў склад сельсавета ўваходзілі 6 населеных пунктаў: вёскі Брухава, Верацея, Каралінава, Краснабель, Рудня і Халмы.