Вестник Нафтана

«Вестник Нафтана» (бел.: «Веснік Нафтана») — карпаратыўная штотыднёвая газета ААТ «Нафтан». Выдаецца ў Наваполацку і распаўсюджваецца па падпісцы на ўсёй тэрыторыі Рэспублікі Беларусь. Выходзіць на двух мовах — рускай і беларускай.

«Вестник Нафтана»
Арыгінальная назва	руск.: Vestnik Naftana[1]
Тып	штотыднёвая газета
Фармат	А3
Заснавальнік	ААТ «Нафтан»
Краіна	Беларусь[1]
Галоўны рэдактар	Таццяна Зянько
Заснавана	2007
Мова	руская і беларуская
Галоўны офіс	211440, Рэспубліка Беларусь, Віцебская вобласць, г. Наваполацк-1
Тыраж	2047 (на 2019)
ISSN	2222–2936
Вэб-сайт	gazeta.naftan.by

Гісторыя

Газета створана па ініцыятыве Вячаслава Якушава, генеральнага дырэктара ААТ «Нафтан» (2005—2011). Першы нумар «Вестника Нафтана» выйшаў у свет 15 снежня 2007 года^[2]. У сувязі з далучэннем да ААТ «Нафтан» ААТ «Палімір» у 2008 годзе «Вестник Нафтана» прыняў у свой склад супрацоўнікаў рэдакцыі газеты «Полимировец» (2002—2008).

«Веснік Нафтана» ў 2010 годзе абзавёўся сайтам^[3]. З 2018 года артыкулы пра галоўныя падзеі вытворчага жыцця буйнейшага нафтахімічнага комплексу Беларусі перакладаюца на англійскую мову^[4].

На радыё «Нафтан» (98,1 FM) з верасня 2018 года рэгулярна выходзяць у эфір выпускі інфармацыйнай праграмы і перадачы «Добро пожаловать», якія рыхтуе рэдакцыйны калектыў^[5][6]. Газета актыўна працуе ў сацыяльных сетках: ВКонтакте, Одноклассники, Facebook, Instagram и Telegram. Відэарэпартажы аб усіх значных для прадпрыемства падзеях размяшчаюцца на YouTube-канале газеты.

Змест

Газета прапануе чытачам аб’ектыўную і дакладную інфармацыю пра жыццё ААТ «Нафтан» (у тым ліку завод «Палімір»), а таксама канцэрна «Белнафтахім». Асвятляюцца навіны вытворчасці, грамадска-палітычнага, сацыяльна-культурнага і спартыўнага жыцця. Публікуюцца матэрыялы, прысвечаныя лепшым работнікам прадпрыемства і яго гісторыі. Кожны нумар газеты змяшчае каля 20 аўтарскіх артыкулаў.

Узнагароды

У Нацыянальным конкурсе друкаваных СМІ «Залатая літара» у 2008 і 2009 гадах «Веснік Нафтана» увайшоў у тройку прызёраў у намінацыі «Найлепшая шматтыражная газета».

Неаднаразова «Веснік Нафтана» называўся ў ліку лепшых выданняў па выніках творчых конкурсаў, якія ладзяцца канцэрнам «Белнафтахім» і Рэспубліканскім камітэтам Белхімпрафсаюза^[7][8].

Фармат газеты

Выходзіць на крэйдаванай паперы ў поўнакаляровым адлюстраванні на 8 палосах. Фармат — А3.

Галоўныя рэдактары

• Марына Касцючэнка (2007—2008)
• Юрый Паўлюк (2008—2017)
• Таццяна Зянько (з 2017)^[9]

Зноскі

1. The ISSN portal — Paris: ISSN International Centre, 2005. — ISSN 2222-2936

   <a href='https://wikidata.org/wiki/Track:Q12131129'></a><a href='https://wikidata.org/wiki/Track:Q90'></a><a href='https://wikidata.org/wiki/Track:Q70460099'></a>
2. Архіўная копія (нявызн.)(недаступная спасылка). Архівавана з першакрыніцы 24 кастрычніка 2019. Праверана 24 кастрычніка 2019.
3. http://www.novopolotsk.by/content/view/2149/
4. Архіўная копія (нявызн.)(недаступная спасылка). Архівавана з першакрыніцы 24 кастрычніка 2019. Праверана 24 кастрычніка 2019.
5. Архіўная копія (нявызн.)(недаступная спасылка). Архівавана з першакрыніцы 24 кастрычніка 2019. Праверана 24 кастрычніка 2019.
6. Архіўная копія (нявызн.)(недаступная спасылка). Архівавана з першакрыніцы 24 кастрычніка 2019. Праверана 24 кастрычніка 2019.
7. Архіўная копія (нявызн.)(недаступная спасылка). Архівавана з першакрыніцы 24 кастрычніка 2019. Праверана 24 кастрычніка 2019.
8. http://www.shinnik.by/serebro-respublikanskogo-konkursa Архівавана 24 кастрычніка 2019.
9. Архіўная копія (нявызн.)(недаступная спасылка). Архівавана з першакрыніцы 24 кастрычніка 2019. Праверана 24 кастрычніка 2019.