Водазмяшчэнне

Водазмяшчэнне карабля (судна) — колькасць вады, выцесненай падводнай часткай карабля (судна). Маса гэтай колькасці вады роўная масе ўсяго карабля, незалежна ад яго памеру, матэрыялу і формы.

Адрозніваюць аб’ёмнае і масавае водазмяшчэнне. Па стане нагрузкі карабля адрозніваюць стандартнае, нармальнае, поўнае, найбольшае, парожняе водазмяшчэнне.

Для падводных лодак адрозніваюць падводнае водазмяшчэнне і надводнае водазмяшчэнне.