Палік (возера)

У паняцця ёсць і іншыя значэнні, гл. Палік.

Палі́к, таксама Пялік — возера ў Беларусі, у Барысаўскім раёне, басейн ракі Бярэзіны (працякае праз возера), ля вёскі Палік (Маісееўшчынскі сельсавет), у Бярэзінскім біясферным запаведніку.

Палік
Морфаметрыя
Вышыня над узроўнем мора	154,2[1] м
Плошча	7,68 км²
Сярэдняя глыбіня	2,1 м
Басейн
Плошча вадазбору	2760 км²
Упадаюць	Бярэзіна, Лютка, Смольніца, Бурчак
Выцякаюць	Бярэзіна
Размяшчэнне
Краіна	Беларусь
Палік
Палік
Медыяфайлы на Вікісховішчы

Плошча паверхні возера 7,68 км². Даўжыня 6,3 км, найбольшая шырыня 3 км, найбольшая глыбіня 2,1 м, сярэдняя 1,1 м. Плошча вадазбору 2760 км².

Уладзімір Кудрэвіч. «Вечар на возеры Палік». 1953

Катлавіна возера выцягнутая ў напрамку з паўночнага ўсходу на паўднёвы захад. Схілы катлавіны вышынёй 7—8 м, пясчаныя, параслі лесам. Берагі нізкія, забалочаныя, тарфяністыя, месцамі пясчаныя, пад хмызняком. Дно плоскае, сапрапелістае, месцамі ўздоўж берагоў пясчанае. Моцна зарастае, шырыня паласы надводнай расліннасці да 500 м. Упадаюць рэкі Лютка, Смольніца, Бурчак.

На ўсходнім беразе возера знаходзіцца вёска з аднайменнай назвай.

Зноскі

1. Ліст карты N-35-57. Выданне 1980 г. (руск.)