Войтаўскі сельсавет

Во́йтаўскі сельсавет — былая адміністрацыйна-тэрытарыяльная адзінка ў складзе Віцебскага раёна Віцебскай вобласці. Цэнтр — вёска Войтава.

Войтаўскі сельсавет
Краіна	Беларуская ССР
Уваходзіў у	Віцебскі раён
Адміністрацыйны цэнтр	Войтава
Дата ўтварэння	20 жніўня 1924
Дата скасавання	22 снежня 1960

Утвораны 20 жніўня 1924 года ў складзе Віцебскага раёна Віцебскай акругі БССР. Цэнтр — вёска Войтава. У 1927 годзе цэнтр сельсавета перанесены ў вёску Бор. Пасля скасавання акруговай сістэмы 26 ліпеня 1930 года ў Віцебскім раёне БССР. З 15 лютага 1931 года ў складзе Суражскага раёна БССР, з 20 лютага 1938 года — Віцебскай вобласці БССР. Пасля вайны цэнтр сельсавета вернуты ў вёску Войтава. З 20 студзеня 1960 года ў складзе Віцебскага раёна. 22 снежня 1960 года сельсавет скасаваны, яго тэрыторыя ўвайшла ў склад новаўтворанага Вымнянскага сельсавета^[1].