Вольга Васілеўна Сцепусь

Вольга Васілеўна Сцепусь (нар. 30 ліпеня 1983, г. Брэст) — беларускі трэнер, дэпутатка Палаты прадстаўнікоў Нацыянальнага сходу Рэспублікі Беларусь з 2024 года.

Вольга Васілеўна Сцепусь
дэпутат Палаты прадстаўнікоў Нацыянальнага сходу Рэспублікі Беларусь[d] з 2024
Нараджэнне	30 ліпеня 1983(1983-07-30) (42 гады) Брэст, Брэсцкая вобласць, Беларуская ССР, СССР
Адукацыя	Брэсцкі дзяржаўны ўніверсітэт імя А. С. Пушкіна БДУФК Акадэмія кіравання пры Прэзідэнце Рэспублікі Беларусь
Месца працы	Брэсцкі дзяржаўны ўніверсітэт імя А. С. Пушкіна ЦАР Вікторыя Брэст Брэсцкі абласны цэнтр алімпійскага рэзерву па водных відах спорту[d]
Узнагароды	Ганаровая грамата Міністэрства спорту і турызму Рэспублікі Беларусь[d] Грамата Міністэрства спорту і турызму Рэспублікі Беларусь[d]

У Вікіпедыі ёсць артыкулы пра іншых людзей з прозвішчам Сцепусь.

Біяграфія

Нарадзілася 30 ліпеня 1983 года ў г. Брэсце^[1].

Скончыла Брэсцкі дзяржаўны ўніверсітэт імя А. С. Пушкіна па спецыяльнасці «Фізічная культура і спорт» са спецыялізацыяй «Трэнерская работа» (баскетбол); аспірантуру Беларускага дзяржаўнага ўніверсітэта фізічнай культуры па спецыяльнасці «Тэорыя і методыка фізічнага выхавання, спартыўнай трэніроўкі, аздараўленчай і адаптыўнай фізічнай культуры»; Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае кіраванне і эканоміка»^[1].

Працавала настаўнікам фізічнай культуры ў Сярэдняй школе № 25 г. Брэста; выкладчыкам кафедры спартыўных дысцыплін Брэсцкага дзяржаўнага ўніверсітэта імя А. С. Пушкіна; спартсменам-інструктарам баскетбольнага клуба БрДУ — ЦАР «Вікторыя»; інструктарам спартыўнага збудавання, начальнікам аддзела па фізкультурна-аздараўленчай і спартыўна-масавай рабоце, намеснікам дырэктара па пазабюджэтнай дзейнасці, трэнерам па спорце (сілавы трэнінг), дырэктаркай Брэсцкага абласнога цэнтра алімпійскага рэзерву па водных відах спорту^[1].

У 2024 годзе стала дэпутаткай Палаты прадстаўнікоў Нацыянальнага сходу Рэспублікі Беларусь VIII склікання ад Брэсцкай-Цэнтральнай акругі № 2. Член Пастаяннай камісіі па ахове здароўя, фізічнай культуры, сямейнай і маладзёжнай палітыцы^[1].

Узнагароды

Узнагароджана ганаровымі граматамі і граматамі Міністэрства спорту і турызму Рэспублікі Беларусь, упраўлення спорту і турызму Брэсцкага абласнога выканаўчага камітэта, нагрудным знакам «За заслугі» грамадскага аб’яднання «Беларуская федэрацыя плавання»^[1].