Вольга Нарушэвіч

Вольга Нарушэвіч (дзявочае Воўк-Левановіч; нарадзілася ў 1924, м. Мядзведзічы, цяпер Ляхавіцкі раён — ?, Сідней, Аўстралія) — актыўная дзяячка беларускага руху ў Аўстраліі.

Вольга Нарушэвіч
Дата нараджэння	1924
Месца нараджэння	Мядзведзічы, гміна Мядзведзічы[d], Баранавіцкі павет, Навагрудскае ваяводства, Польская Рэспубліка
Дата смерці	невядома
Месца смерці	Сідней, Новы Паўднёвы Уэльс, Аўстралія
Жонка	Станіслаў Нарушэвіч
Альма-матар	Віленская беларуская гімназія Лёвенскі каталіцкі ўніверсітэт
Член у	Беларускі культурна-грамадскі клуб

У Вікіпедыі ёсць артыкулы пра іншых людзей з прозвішчам Нарушэвіч.

У Вікіпедыі ёсць артыкулы пра іншых людзей з прозвішчам Воўк-Левановіч.

Біяграфія

З роду Воўк-Левановічаў, сястра Аўгінні Каранеўскай.

Вучылася ў Віленскай беларускай гімназіі, Баранавіцкай медыцынскай школе, на эміграцыі вывучала фармацэўтыку ў Лювенскім універсітэце (Бельгія). У 1952 годзе следам за бацькамі пераехала ў Аўстралію. У Сіднеі пабралася шлюбам з інжынерам Станіславам Нарушэвічам. Нарадзіла сына. Разам з мужам далучылася да беларускай грамады Сіднея. Сяброўка Беларускага культурна-грамадскага клуба. Дапамагала ў падрыхтоўцы нацыянальных выставак. Доўгачасовы ахвярадаўца на беларускія эміграцыйныя выданні і розныя грамадскія ініцыятывы.

Крыніца

• Беларусы ў Аўстраліі: Да гісторыі дыяспары. Мінск: Беларускі кнігазбор, 2004.