Вольга Уладзіміраўна Мядзведзева

У Вікіпедыі ёсць артыкулы пра іншых людзей з прозвішчам Мядзведзева.

Вольга Уладзіміраўна Мядзве́дзева (нар. 1962, Асінаўка, Мсціслаўскі раён, Магілёўская вобласць) — беларускі гісторык, археолаг. Кандыдат гістарычных навук, дацэнт.

Вольга Уладзіміраўна Мядзведзева
Дата нараджэння	1962
Месца нараджэння	Асінаўка, Раздзельскі сельсавет, Мсціслаўскі раён, Магілёўская вобласць, Беларуская ССР, СССР
Грамадзянства	Беларусь
Род дзейнасці	гісторык, археолаг
Месца працы	Інстытут гісторыі НАНБ
Альма-матар	гістарычны факультэт БДУ

Біяграфія

Нарадзілася ў 1962 годзе ў вёсцы Асінаўка Мсціслаўскага раёна Магілёўскай вобласці. У 1991 годзе скончыла гістарычны факультэт БДУ, у 2004 годзе — аспірантуру Інстытута гісторыі НАН Беларусі па спецыяльнасці археалогія. У 2009 годзе абараніла кандыдацкую дысертацыю «Вырабы касцярэзнай вытворчасці з тэрыторыі Полацкай зямлі IX–XIII стст. (тэхналогія, тыпалогія, храналогія)»^[1].

З 1986 года працуе ў Інстытуце гісторыі НАН Беларусі. У 2014 годзе стала старшым навуковым супрацоўнікам Цэнтральнага навуковага архіва (ЦНА). З 2020 года — вядучы навуковы супрацоўнік ЦНА, а з 2021 года — вядучы навуковы супрацоўнік Цэнтра гісторыі навукі і архіўнай справы Інстытута гісторыі НАН Беларусі^[1].

Навуковая дзейнасць

Даследуе касцярэзнае рамяство на тэрыторыі Беларусі ў сярэднявеччы і Новы час (ІХ—ХVІІІ стст.), займаецца вывучэннем матэрыяльнай і духоўнай культуры сярэднявечнага насельніцтва Беларусі, гісторыі развіцця беларускай археалагічнай навукі, а таксама складаннем рэестра археалагічных помнікаў Беларусі^[1].

Публікацыі

Аўтар каля 150 навуковых, навукова-папулярных і энцыклапедычных публікацый, у тым ліку 8 манаграфій (6 у сааўтарстве) і 7 навукова-інфармацыйных выданняў^[1].

Манаграфіі

• Касцярэзная вытворчасць Полацкай зямлі ІХ–ХІІІ стст. — Мінск: Беларус. навука, 2013. — 236 с.: іл.
• Сярэдневяковыя шахматы Беларусі (гісторыка-археалагічнае даследаванне). — Мінск: Інстытут гісторыі НАН Беларусі, 2005. — 82 с., іл.

Раздзел у манаграфіі

• Перечень отчетов по исследованиям Витебска (Архив археологической научной документации Института истории Национальной академии наук Беларуси) // О. Н. Левко. Витебск (Древнейшие города Беларуси). — Минск: Беларус. навука, 2010. — С. 318–322.

Раздзелы ў калектыўных манаграфіях

• Аляксандр Мікалаевіч Ляўданскі. Лёс і навуковая спадчына (да 130-годдзя з дня нараджэння) / В. І. Кошман [і інш.]; Нац. акад. навук Беларусі, Ін-т гісторыі. — Мінск : Беларуская навука, 2025. — 497 с. : іл.
• Інстытут беларускай культуры: 1922–1928 гг. / У. Р. Гусакоў [і інш.]; рэдкал.: У. Р. Гусакоў [і інш.]; Нац. акад. навук Беларусі, Ін-т гісторыі. — Мінск: Беларуская навука, 2022. — 223 с.: іл.
• Друцк: Друцк и Друцкая волость (княжество) в ІХ–ХІІ вв., летопись древних слоев, князья Друцкие и их владения в ХІІІ–ХVIII вв., ремесло, промыслы, торговля (по данным археологии, нумизматики, письменных источников), памятники архитектуры и объекты туризма / Нац. акад. наук Беларуси, Ин-т истории. — Минск: Беларуская навука, 2014. — 619 [5] с.: ил. — (Древнейшие города Беларуси).
• Полоцк: Полоцк и Полоцкое княжество (земля) в IX–XIII вв., летопись древних слоев, Полоцк и его округа в XIV–XVIII вв., ремесло, денежное обращение и торговые связи Полоцка в средневековье (по данным археологии, нумизматики и письменных источников), культура и просвещение в средневековом Полоцке / Нац. акад. наук Беларуси, Ин-т истории. — Минск: Беларуская навука, 2012. — 743 с.: ил. — (Древнейшие города Беларуси).
• Основные итоги археологических исследований на территории Беларуси в 2006–2010 годах / Нац. акад. навук Беларусі, Ін-т гісторыі. — Мінск: Беларуская навука, 2011. — 261 с.
• Белавежская пушча: вытокі запаведнасці, гісторыя і сучаснасць / Нац. акад. навук Беларусі, Ін-т гісторыі; рэдкал. А. А. Каваленя (старш.) [і інш.]. — Мінск: Беларуская навука, 2009. — 455 с.