Раздзельскі сельсавет

Раздзе́льскі сельсавет — адміністрацыйна-тэрытарыяльная адзінка ў складзе Мсціслаўскага раёна Магілёўскай вобласці Беларусі. Цэнтр — аграгарадок (да 2010 года вёска) Курманава.

Раздзельскі сельсавет
Краіна	Беларусь
Уваходзіць у	Мсціслаўскі раён
Уключае	19 населеных пунктаў
Адміністрацыйны цэнтр	Курманава
Дата ўтварэння	29 жніўня 1959
Дата скасавання	20 лістапада 2013
Насельніцтва (2009)	1 071
Часавы пояс	UTC+03:00
Код аўтам. нумароў	6

Гісторыя

Утвораны 29 жніўня 1959 года ў Мсціслаўскім раёне Магілёўскай вобласці БССР шляхам аб’яднання скасаваных Курманаўскага і Шамаўскага сельсаветаў з цэнтрам у вёсцы Раздзел 1^[1]. 16 чэрвеня 1981 года ў склад Падсолтаўскага сельсавета перададзена вёска Буліна^[2]. Не пазней за 2007 год цэнтр сельсавета перанесены ў вёску Курманава. 20 лістапада 2013 года скасаваны, тэрыторыя далучана да Падсолтаўскага сельсавета^[3].

Насельніцтва

Насельніцтва сельсавета паводле перапісу 2009 года складала 1071 чалавек^[4], з іх 94,8 % — беларусы, 4,7 % — рускія^[5].

Склад

На момант скасавання ў склад сельсавета ўваходзілі 19 населеных пунктаў: аграгарадок Курманава, вёскі Асінаўка, Багацькаўка, Бель, Беразетня, Вышова, Глінне, Каменка, Крутая, Лужкі, Несцерава, Пацкава, Раздзел, Рубанаўка, Сакалова, Селішчы, Слаўнае, Старына і Шамава.

Зноскі

1. Рашэнне выканкома Магілёўскага абласнога Савета дэпутатаў працоўных ад 29 жніўня 1959 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1959, № 11.
2. Рашэнне выканкома Магілёўскага абласнога Савета народных дэпутатаў ад 16 чэрвеня 1981 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1981, № 31 (1693).
3. Решение Могилевского областного Совета депутатов от 20 ноября 2013 г. № 23-1 Об изменении административно-территориального устройства некоторых административно-территориальных единиц Могилевской области
4. Насельніцтва населеных пунктаў Магілёўскай вобласці Беларусі паводле перапісу 2009 года
5. Этнічны склад насельніцтва сельсаветаў Беларусі паводле перапісу 2009 года