Вольга Піліпаўна Суханава

Во́льга Пілі́паўна Суха́нава (1900, Мінск — 16 лютага 1980) — наркам юстыцыі БССР (1937—1938) і старшыня Вярхоўнага Суда БССР (1936—1937)^[1].

Вольга Піліпаўна Суханава
Народны камісар юстыцыі БССР кастрычнік 1937 — красавік 1938
Кіраўнік урада	Апанас Кавалёў
Папярэднік	Раман Кудзельскі
Пераемнік	Сяргей Лодысеў
Старшыня Вярхоўнага Суда БССР 1936 — 1937
Папярэднік	Раман Кудзельскі
Пераемнік	Карл Абушкевіч
Нараджэнне	1900 Мінск, Мінскі павет, Мінская губерня, Расійская імперыя
Смерць	16 лютага 1980(1980-02-16)

У Вікіпедыі ёсць артыкулы пра іншых людзей з прозвішчам Суханава.

Біяграфія

Нарадзілася ў 1900 годзе ў Мінску ў сям’і рабочага. Працавала падсобніцай на Мінскай шпалернай фабрыцы, рабочай на Мінскай мармеладнай фабрыцы.

Скончыла савпартшколу, працавала загадчыцай жаночым аддзелам Мінскага павятовага камітэта партыі.

З чэрвеня 1922 па 1928 год жыла на радзіме мужа ў г. Калуга.

У 1930-я гады — сакратар парткалегіі ЦК КП(б)Б, з 1934 года член Камітэта парткантроля ЦК РКП(б) па Беларусі.

У 1936—1937 гадах — Старшыня Вярхоўнага Суда БССР, у 1937—1938 гадах — Народны камісар юстыцыі БССР.

Пасля Вялікай Айчыннай вайны працавала сакратаром Сталінскага райкама партыі Мінска^[2].

Была дэлегатам XIII—XVI, XIX з’ездаў КП(б)Б. 21 кастрычніка 1937 года партарганізацыя Наркамюста БССР прыняла рашэнне аб выключэнні яе з партыі за сувязь з ворагамі народа. 2 лютага 1938 года яе аднавілі ў партыі.

Зноскі

1. Суханава Вольга Піліпаўна Архівавана 7 студзеня 2018.
2. История в лицах (руск.)(недаступная спасылка) (1-2010). — Юстиция Беларуси. Архівавана з першакрыніцы 16 лютага 2020.