Восем прынцыпаў Юн

Восем прынцыпаў іерогліфа Юн (кіт. 永字八法, піньінь Yǒngzì Bā Fǎ, яп. 永字八法/えいじはっぽう, эйдзі хапо: кар. 영자팔법/永字八法, ёнджапальбор) — восем найпрасцейшых рыс стылю кайшу, якія разам утвараюць іерогліф 永, «вечнасць». Лічыцца, што пастаянная практыка напісання гэтага іерогліфа дапамагае дасягнуць прыгажосці ў каліграфіі шляхам асваення пэўных прыёмаў руху пэндзля. Кожны з васьмі элементаў магчыма пераўтварыць у ключы, якія складаюць іншыя іерогліфы^[1].

Гісторыя

Восем прынцыпаў паходзяць з ранейшай сістэмы «Сямі элементаў» (七勢, qī shì), якія былі створаны каліграфкай Вэй Шо (衛鑠, Wèi Shuò) з дынастыі Цзінь. Вучэнне было працягнута паэтам дынастыі Тан Лю Цзун’юанем у працы «Пахвала васьмі прынцыпам юн» (永字八法頌, yǒngzìbāfǎ sòng)^[2].

Рысы

Кітайская назва	Апісанне	Выява	Юнікод
点 (дянь, diǎn)	кропка		㇔ (U+31D4)
横 (хэн, héng)	гарызантальная рыса		㇐ (U+31D0)
竖 (шу, shù)	вертыкальная рыса		㇑ (U+31D1)
钩 (гоу, gōu)	кручок, далучаецца да іншых рыс, рэзка падае і ідзе налева		асобнага сімвала няма
提 (ці, tí)	узыходная рыса		㇀ (U+31C0)
弯 (вань, wān)	выгнутая адкідная налева, звужае таўшчыню, наносіцца хутка		асобнага сімвала няма
撇 (пе, piě)	адкідная налева з лёгкім выгінам		㇒ (U+31D2)
捺 (на, nà)	адкідная направа з вострым канцом		㇏ (U+31CF)

Парадак напісання

• 
  Парадак напісання іерогліфа
• 
  Пранумараваныя штрыхі
• 
  Іерогліф падзелены на восем рыс

Зноскі

1. Unicode. CJK Strokes. — 1991. — С. 1—3. — 3 с.
2. Chen J. Liu Tsung-yüan and Intellectual Change in T’ang China, 773—819, Cambridge: Cambridge UP, 1992