Каракелонг
From Wikipedia, the free encyclopedia
Remove ads
Каракелонг (індан.: Karakelong, Kurakelong) — найбуйнейшы востраў архіпелага Талаўд. Уваходзіць у склад інданезійскай правінцыі Паўночны Сулавесі. Плошча — 846 км².
_en_biat-a_(Alangium_spec_rechts)_op_de_noordoosthelling_van_de_vulkaan_Barawan'a_op_Karakelong_een_van_de_Talaud-eilanden_TMnr_10011498.jpg)
Remove ads
Геаграфія
Востраў Каракелонг знаходзіцца на ўсходзе мора Сулавесі ў 344 км на паўночны ўсход ад Манада, адміністрацыйнага цэнтра правінцыі Паўночны Сулавесі. Месціцца на лініі субдукцыі (падняцця) тэктанічных пліт. Уяўляе сабою S-падобны ланцуг з некалькіх вулканаў. Даўжыня — амаль 70 км. Найбольшая шырыня — 22,11 км. Умоўна падзяляецца на паўночную і паўднёвую часткі. Ландшафт гарысты. Найвышэйшы пункт — 680 м.
Клімат трапічны пасатны. З канца кастрычніка да пачатку красавіка працягваецца сезон мусонаў, які можа суправаджацца разбуральнымі цыклонамі.
У лясах на востраве захаваліся рэдкія віды птушак, у тым ліку эндэмічныя папугаі.
Remove ads
Гісторыя
Некаторыя даследчыкі лічаць Каракелонг адным з галоўных цэнтраў перасялення старажытных аўстранезійцаў на Сулавесі, Філіпіны і Мікранезію. Мясцовае насельніцтва размаўляе на мове аўстранезійскага паходжання, якая ў сваю чаргу падзяляецца на паўднёвы і паўночны дыялекты.
З другой паловы XVII ст. Каракелонг уваходзіў у склад галандскіх каланіяльных валоданняў. Ля вёскі Тараган захаваліся рэшткі ўмацаванняў і магільняў, якія, згодна паданням астравіцян, належалі вярхоўным правадырам архіпелага Талаўд. Яны працягвалі кіраваць нават пасля ўсталявання галандскай улады, пакуль у XIX ст. апошні вярхоўны правадыр не паўстаў супраць каланіяльнай адміністрацыі і не пацярпеў паражэнне.
Remove ads
Каракелонг у сусветнай культуры
- Востраў Каракелонг узгаданы ў рамане К. Чапека «Вайна з саламандрамі» (Válka s mloky, 1936).
Спасылкі
Wikiwand - on
Seamless Wikipedia browsing. On steroids.
Remove ads